طــبــق كــحــك

قبل أي شيء و بعد أي شيء, كل سنه و أنتم طيبين بمناسبة عيد الفطر المبارك واللي مكانش عندي الوقت اللي اقولكم فيه .. كل سنه و أنتم طيبين , و علشان كدا قررت اكتب تدوينه بأسم "طبق كحك".

بس طبق الكحك دا غير الاطباق اللي عارفينها و بناكل منها !! طبق مثير للحروب اللي غيرت كتير جدا في الخريطه السياسية للعالم العربي , و شكلت جغرافيا سياسيه جديده قلبت الموازين في الشرق الأوسط .

طبق الكحك اللي اقصده فيه اتنين و عشرين كحكة , و كل كحكة من دول غنية بالفيتامينات الاقتصاديه و البشرية و السياسية دا غير طبعا الكحك الغني بالفيتامينات الاقليمية - موقع الكحكة و دورها في التأثير علي باقي الكحك !!

مش هاتكلم علي كل الكحك اللي موجود في الطبق و دا لأن في كحك دوره الوحيد انه يتاكل بس .!!
تعالوا نبدأ الحكاية من الكحكة الكبيرة اللي انا عايش فيها .

اول كحكة :- مصر :

مصر تعتبر بلد كبير من حيث المساحة و بلد مهم جدا من حيث الموقع الجغرافي , و التحكم فيه يؤدي الي التحكم في معظم الخريطه السياسيه في الوطن العربي - الشرق الاوسط .. سموها زي ماتسموها !!

المهم ان بعد وصول السادات للحكم و بعد تحويل مؤشر سياسات الدوله من امام الاتحاد السوفيتي الي الوقوف امام محطه الولايات المتحدة , وبعد معاهده السلام " الوسخه" و بعد الانفتاح الاقتصادي غير المدروس , و بعد وصول الخاين مبارك للحكم , اصبح اي قرار سياسي علي المستوي الداخلي و الخارجي لابد من موافقة امريكا عليه , و الموافقه دي مترتبه علي مصالح امريكا مش مصالح مصر

فكان الشكل كالآتي :
معونه امريكيه + تطبيع شامل مع الكيان الصهيوني + عدم ادراج مصر علي قائمه الدوله الراعيه للارهاب +مساندة مصر ضد اي موقف عربي مخالف للسياسية الامريكيه المعمول بها في مصر + عدم مطالبة مصر بإلغاء قانون الطواريء + السكوت عن انعدام الديموقراطيه في مصر + تدفق الاستثمار الاجنبي علي مصر في مقابل ضرب الاقتصاد الوطني + عمليات الخصخصة الممنهجه = يــســـاوي =
وضع مصر من تلاتين سنه .!!

دا حاجه و الفتنه الطائفيه حاجه تانيه خالص :
ظهرت مؤخرا مشكلات الفتنه الطائفيه بين مسلمي و مسيحي مصر - اقطاب الوحده الوطنيه - ابناء الوطن الواحد .
بالطبع شيخ الازهر و بطرايرك الكرازه المرقسيه قالوا ان مفيش فتنه طائفيه , بس الحقيقه ان المصريين مسلمين و مسيحيين عايشين علي نار الفتنه دي , يعني الفتنه اصلا موجوده بس الحكومه بتداريها بالتصريحات مش اكتر .!!

مش بعيد انها تكون بسبب قوي خارجيه هدفها ضرب الاستقرار في البلد - اللي مش موجود اصلا - و ممكن تكون بفعل قوي داخليه هدفها إشغال الرأي العام عن بلاوي اكبر من كدا مع ضرب الوحده الوطنيه , اللي بقت شعارات بس .!!

يبقي الوضع كالآتي :

1- نظام فاسد تتبعه حكومه فاسده , ترعي مصالحها فقط علي المستوي الداخلي و ترعي المصالح الامريكية علي المستوي الاقليمي , لأنه الحفاظ علي مصالح امريكا في الشرق الاوسط يعتبر دعامه لحفظ نظام الحكم الفاسد و تأكيد استمراره و بقاؤه في سدة الحكم .

2-فتنه دينيه بين المسلمين و المسيحيين تؤدي الي متاهه كبيره في البلد , تؤدي الي انتشار الفوضي و اعمال العنف علي كام عمليه ارهابيه بهدف التخريب , هوب يطلعلك بعديها كام تصريح يقولك ان مصر فيها ارهاب , هوب بعديها بشويه امريكا تقولك الحرب علي الارهاب , بعديها وش القوات الامريكيه توصل القاهره و نتقلب عراق جديد !!
و بكدا يكون سيناريو السيطره علي اكبر كحكة موجوده في الطبق اترسم و في طريقه للتنفيذ .

لو الكلام دا خيال , فممكن يتحول لواقع في كام يوم مش اكتر .!!

*********

تاني كحكه :- السودان :

نكته بالسوداني :
اتنين سودانيين قاعدين مع بعض و دار الحوار التالي بينهم :
الاول : تصدق يا زوول ان عبد الناصر مات من كتر الهموم !! التاني : طب ادامت هوا مش اد الهموم بيستهما ليه !! نيااهاا

نرجع للكحكه السودانيه:

من زمان قوي و السودان واقع في داومه الانفصال و شريكي الحكم و محاولات السيطره علي الاقاليم الغنيه بالنفط .
دول تدعم الانفصال و دول تانيه تدعم الوحده الوطنيه , المهم ان العمليه السودانيه رسيت علي حق تقرير المصير لجنوب السودان عن طريق الاستفتاء الشعبي اللي هايحدد اذا كان السودان هايتحول الي دولتين شماليه و جنوبيه ولا الوضع هايفضل زي ماهوا .!!

* المحكمه الجنائيه الدوليه اصدرت مذكرة توقيف بحق الرئيس السوداني عمر البشير لارتكابه جرائم حرب في اقليم دارفور , و البشير خايف جدا بس مش عاوز يقول انه خايف !! كل شويه يعمل زيارات لدول افريقيه معينه , يقعد كام ساعه و هوب تلاقيه اختفي و رجع علي السودان .
* الامم المتحده قالت انها تدعم حق تقرير المصير و ضرورة الاستفتاء الشعبي .
* امريكا قالت ان انفصال الجنوب السوداني امر حتمي لابد منه .
* مصر طبعا مش عاجبها الكلام اللي قالته الحيوانه امريكا لأن انفصال الجنوب يؤدي الي خلق دوله اخري قد توافق علي ما اقرته الدوله الافريقيه الخمسه بأنها غير ملزمه بأي اتفاقيات استعماريه سابقه بخصوص حصة كل دوله من مياه النيل و المتنازع عليها بين دول المنبع و دول المصب .
دا غير اننا في مصر نعاني من خطر الفقر المائي فلازم مصر تكون واقفه جمب عدم انفصال الجنوب السوداني .!!
المامبو السوداني ..!

***********

تالت كحكة :- الصومال :

صعبان عليا يا صومال و انتا حالك يسر عدو ولا يسر حبيب !!

* الصومال دوله ممزقه و منقسمه بين حكومه انتقاليه ضعيفه و بين ميليشيات شباب المجاهدين الاسلاميين .
كله بيضرب ف بعضه و كله عاوز يوصل للحكم بأي طريقه .
كله بيلعب علي الدين و السياسه و استضعاف الشعب الصومالي , مع ان الصومال بلد غنيه من ناحيه الموارد الطبيعيه , و الدليل علي كدا هوا وجود شركات اجنبيه دخلت في اتفاقيات مع الحكومات السابقه الهدف منها هو استئجار اجزاء كبيره من الساحل الصومالي .. الغني بالثروه السمكيه , اللي يمتلكها جارنا الصومالي .

و كلنا عارفين ان عمر ما في شركه اجنبيه هتخاطر بنفسها و تدخل بلد عارفه انه واقع في صراعات و اشتباكات مسلحه الا اذا كان البلد دا فيه كنز لطيف مدفون جواه .!! بس القراصنه الصوماليين ولاد التيت مش عاتقين حد !! اي مركب معدي يضربوا عليه نار حتي لو المركب دا رافع علم الصعيد الجواني ..!

عموما القوي الاستعماريه عماله بتاكل في كحكة الصومال و احنا - العرب - بناكل في سد الحنك .!!

**********

رابع كحكه :- اليمن :

بعيد عن موضوع الكحكه , مرة الرئيس اليمني علي عبدالله صالح قال : انا استطيع ان احارب حتي اخر جندي مصري .!!
كله بيحكها فينا مش عارف ليه ..!

المهم : كلنا شوفنا الحرب السادسه اليمنيه بين شمال اليمن المتمثل في الحكومه و الجيش , و بين جنوب اليمن المتمثل في الحوثيين , ست حروب دارت و كل دا علشان الناس في اليمن برضو واقعين في دوامة الانفصال
اللي لفت نظري ساعه الحرب دي , التصريحات اللي كانت بتطلع !! اللي يقولك الحوثيون دول ارهابيين و ان مقاتلي القاعده موجودين في جنوب اليمن بيقاتلوا مع الحوثيين , و اللي يقولك لأ , ايران هيا اللي بتدعم الحوثيون بإعتبار انهم شيعه زي بعض ....!!!!!

و سواء كانوا شيعه و ايران بتدعمهم ولا سنه و القاعده بتحارب معاهم , المهم انهم في نظر امريكا ارهابيين يجب القضاء عليهم تحت بطانيه الحرب علي الارهاب .!!

من ضمن التصريحات اللي فقعتني , ان امريكا قالت انها تدعم وحده اليمن , و انها مستعده لمسانده اليمن في الحرب علي الارهاب .. هوب بعديها علي طول اليمن قالت ان الحرب في الجنوب تقوم بها القوات اليمنيه ولا دخل للقوات الامريكيه المرابطه في خليج عدن بذلك .!! طب هوا حد قال ان امريكا اتدخلت .....!
شويه و الحرب لسه شغاله , طار وزيرنا الخفيف احمد ابو الغيط هوا و عمر سليمان رئيس المخابرات العامه المصريه علي اليمن في زياره ماكملتش اربعه و عشرين ساعه , و كان التصريح الرسمي هوا : دعم وحده اليمن .!!
هوب بعديها السعوديه دخلت في الموضوع و شنت غارات جويه و مدفعيه علي المنطقه الحدوديه الواقعه بين السعوديه و اليمن و كان التصريح الرسمي السعودي هوا : ان العمليات العسكريه دي لحفظ الامن القومي .!!

اليمن .. كحكه و مسيرها تتاكل .!!


***********

خامس كحكه :- لبنان :

لبيروت .. من قلبي سلام لبيروت
و قبل للبحر و البيوت

اول حاجه احب اقولها ان الشعب اللبناني , هو شعب مثقف لدرجه كبيره جدا - اللهم لا حسد يعني- و الشباب اللبناني عارف مدي تعقيد العمليه السياسية في لبنان حتي لو كان الشباب دول مش مسيسيين او حزبيين .
و عن نفسي افتخر جدا ان الدول العربيه فيها بلد زي لبنان و شعب زي الشعب اللبناني .

* بس لما نيجي نبص علي طبق الكحك هنلاقي ان الكحكه اللبنانيه , كحكه مهمه جدا , لان لبنان بلد تكمن فيه العديد من الطوائف الدينيه و السياسيه , شيعه و سنه .. يساريين علي ليبراليين .. وسط و يمين .

تعالوا نبص علي القوي السياسيه في لبنان :

تنقسم القوي السياسيه في لبنان الي حلفين اساسيين هما , قوي "14 آذار" و قوي "8 آذار" .
* ضم تحالف "14 آذار" قوي سنيه و درزيه و مسيحيه , ابرزها تيار المستقبل و القوات اللبنانيه و حزب الكتائب و التيار الوطني الحر و الحزب التقدمي الاشتراكي .
* في حين ضم تحالف "8 آذار" قوي شيعيه مع احزاب درزيه و سنيه صغيره , ابرزها حزب الله و حركه امل و الحزب السوري القومي الاجتماعي و الحزب الديموقراطي .

** و المعروف ان هذا الانقسام السياسي في لبنان لم يشهد خروقات واضحه طوال الاربع سنوات الماضيه ,بإستثناء وحيد _وحيد حامد_
تمثل في خروج التيار الوطني الحر من تحالف 14 آذار و اعلانه التفاهم مع حزب الله الذي يقوده تحالف 8 آذار , ليكون الاطار المسيحي الابرز للمعارضه .
** و بنتيجه الانتخابات التي اجريت عام 2005 , حصلت قوي 14 آذار علي غالبيه نسبيه من مقاعد البرلمان , علما انها خاضت الانتخابات بالتنسيق مع حزب الله في بعض المناطق تحت شعار " منع الاحتقان المذهبي" .!!

المهم ان لبنان اتغير كتير جدا من ناحيه الجغرافيا السياسيه الداخليه اللي اتشكلت و اترسمت علي السطح اللبناني و تحديدا من بعد سنه 2005, السنه اللي اغتيل فيها رئيس الوزراء الاسبق رفيق الحريري .
و هيا برضو نفس السنه اللي شهدت وضع نهايه للوجود السوري في لبنان , بعد ما تم توجيه الاتهام الي سوريا بالضلوع في عملية اغتيال الحريري .

و سواء كانت سوريا هيا المسؤله عن اغتيال الحريري ولا لأ فالمهم ان الجيش السوري خرج من لبنان , مع وجود شك عندي انه لسه في قوي سياسيه لبنانيه مواليه لسوريا .. دا غير حزب الله الموالي لايران .!!

نروح علي حزب الله - المقاومه الاسلاميه اللبنانيه - الموجود في جنوب لبنان .
عموما اذا كان الشعب اللبناني متفق او مختلف مع حزب الله , ف انا برضو متفق و مختلف - في نفس الوقت - مع حزب الله ..!
متفق انه مقاومه ضد اسرائيل و كلنا عارفين ان المقاومه مشروعه لانهاء اي احتلال , بس مختلف مع حزب الله لانه موالي لايران , بإعتبارهم شيعه زي بعض .!
بس مش علشان شيعه زي بعض , تخلي ايران تتدخل في الشئون السياسيه الداخليه و الخارجيه اللبنانيه .
و اقرب دليل علي كدا لما حسن نصر الله - و اعذروني انا مش مقتنع بلفظ سماحه او سماحه السيد لانه انسان زينا , يعني مجاش في عشر تشهر و احنا جينا ف تسعه !!-
المهم انه قال بالنص : اقترح علي الحكومه اللبنانيه ان تطلب من ايران تسليح الجيش اللبناني و ان يكون بطلب رسمي .!! و قال برضو بالنص : علي الدول العربيه تسليح لبنان ,و انه علي الحكومه اللبنانيه ان تقول للدول العربيه : اعطونا ما عندكم من اسلحه و طائرات و دبابات , لانه احنا عارفين انها في المخازن عندكم و ان الصدأ سيأكلها !!!!!!!!!!!!!

مش عارف اقول ايه بجد بس حاسس لأ انا متأكد انه حسن نصر الله كان ساعتها بيئلش علي المشاهدين!! لان الحاله اللي كان فيها دي عباره عن حاله ما بين الدهاء و الغباء السياسي .!!!

السؤال هنا و اللي ممكن كلنا نكون عارفين اجابته هوا :
هل حزب الله يأخذ اوامر من ايران ؟
هل حزب الله يتبع منهج سياسي ايراني ؟
هل حزب الله يعمل علي زرع نفوذ ايراني داخل لبنان ؟؟؟؟؟

الكلام دا برضو مش معناه ان حزب الله كخه و الباقي ملايكه ..!
قصدك ايه طيب ؟؟ قصدي انه كله بيلعب سياسيه , و السياسه وساخه .. و المعني في بطن الشاعر ..!!

الكل طبعا سمع عن احداث لبنان الاخيره اللي كانت عباره عن اشتباكات مسلحه بين ميليشيا حزب الله الشيعي وميليشيا تنظيم الاحباش السني , و خد عندك يا معلم .. محلات اتكسرت و مواطنين سابوا المنطقه , دا غير الناس اللي راحوا ضحايا الحادث .. عاطل علي باطل .!!
برضو اهم مافي الموضوع ساعتها كان التصريحات اللي طلعت من الجانبين .. السني و الشيعي , و كانت كالآتي :-
ان هذه الاشتباكات الاخيره التي حدثت , لم تكن علي خلفيه مذهبيه او طائفيه !!!!
طب ازاي اذا كان الجانبين واحد سني و التاني شيعي ؟؟؟
طب لو مش علي خلفيه مذهبيه يبقي ايه ؟؟؟؟ بيعرضوها قدام بعض مثلا ..!
* اللي شوفته يوميها في التلفزيون و اللي تعبني جدا هوا كلام الناس اللي كانوا في المنطقة اللي حصل فيها اشتباكات .
الناس دول كان كلامهم متركز علي كام موضوع يتعدوا علي صوابع الايد الواحده و هما :-

* واحد بيقول : احنا مش عاوزين نعيش تاني في اجواء الحرب الاهليه .. مش عاوزين نعيد الكلام دا تاني .
* واحده محلها اتكسر ساعه الاشتباكات بتقول : مش كفايه انه في ازمه اقتصاديه ومفيش حاجه بتتباع , كمان جايين يكسروا المحل اللي بسترزق منه .. الله يكون في عونك يا لبنان .
* واحد بيقول : كفايه صراعات و اشتباكات مسلحه بين بعضينا .. عاوزين نبني لبنان من جديد .. يكون لبنان اللي بنحلم بيه .. عاوزين نربي ولادنا كويس .. نشوفهم رايحين علي المدارس .. مش رايحين يتدربوا علي السلاح .

انتوا شايفين الناس دماغها في ايه ؟؟ ناس بسيطه و كلامها بسيط و خالي من التسييس ..!
ناس عاوزه تشوف لبنان لكل اللبنانيين , مش لبنان للدروز بس ولا للشيعه بس ولا للسنه بس .. لبنان لكل اللبنانيين بدون تدخل قوي خارجيه
.. وبدون فتنه دينيه او حرب اهليه .
بس تقول ايه بقي , برضو القوي السياسيه بتلعب سياسه و السياسه وساخه .. و المعني في بطن الشاعر ..!

لبيروت .. من قلبي سلام لبيروت

***********

سادس كحكة :- العراق :

الله يرحمك يا عراق .

سبع سنين مرت علي تدمير العراق .. سبع سنين و العراق ممزق .. سبع سنين و العراق بيتعرض لأكبر عمليات النصب و السرقه الممنهجه
في التاريخ .!! تحف علي آثار علي نفط علي فلوس ياما , و كله اتسرق من العراق في السبع سنين دول .

إذا كان علي التحف و الآثار ف امريكا و بريطانيا قاموا بالواجب !!
إذا كان علي الفلوس ف مريكا و بريطانيا قاموا بالواجب !!
إذا كان علي النفط ف برضو امريكا و برطانيا قاموا بالواجب

الدول المتقدمة طلعوا مسجلين خطر سرقه بالإكراه ..!

نخش علي تقسيمة العراق المعقدة و اللي هيا مقسمه مابين شيعه و سنه و اكراد..
مفيش يوم يعدي الا و نسمع عن هجمات مسلحه و عمليات انتحاريه في انحاء العراق , ضحايا كتير ماتوا .. بالقصد و بغير القصد , المهم انه احنا لو ماسمعناش ان فيه تفجيرات حصلت في العراق في اي يوم يبقي دا مش العراق اللي عارفينه .. من سبع سنين .!!

* القوات الامريكيه لسه موجوده في العراق .
* ايران ليها نفوذ قوي داخل العراق .

* امريكا و من بعديها بريطانيا خسروا الحرب في العراق بعد ما نجحوا في تدمير العراق تماما ..!
دا غير ان امريكا و حربها علي العراق و المليارات اللي اتصرفت و لسه بتتصرف علي القوات الامريكيه في العراق كانت من ضمن الاسباب اللي عملت الازمة الإقتصاديه العالميه و بقي في اكتر من 130 بنك معلنين افلاسهم في امريكا .

و الحقيقه ان الحرب علي العراق ادت الي :-
* أزمة اقتصاديه عالميه .
* النجاح في السيطره علي معظم المناطق و الآبار الغنيه بالنفط العراقي .
* خسارة امريكا لقيادة العالم و فشل نظرية القطب الواحد .
* ظهور اقتصاديات جديده علي السوق العالمي زي البرازيل و الهند و الصين .
* بدايه انسحاب القوات الامريكيه من العراق .
* التدمير الشامل للعراق علي جميع المستويات الاقتصادية و السياسية و الإجتماعية و الصحيه .

بس برضو لسه العراق واقع تحت النفوذ الايراني و الامريكي المباشر , و ايا كان مين فيهم اللي هايثبت وجوده , فالحقيقة المره ان العراق هو الخاسر الوحيد في المهزله دي .

* لحد دلوقتي مفيش حكومه موحده في العراق .
* لحد دلوقتي و القوي السياسية في العراق بتتصارع علي الحكم و الوصول اليه .
* لحد دلوقتي لسه فيه عمليات انتحاريه و لسه فيه صحايا مالهمش ذنب بيموتوا كدا بالسهل .
* لحد دلوقتي و مفيش اي قوي سياسية عراقيه بتعمل حاجه ولو بسيطه لصالح الشعب العراقي .

الصراعات محدودة في كام نطاق :
صراع علي السلطه - صراع بين جبهتين , جبهة تحاول زرع نفوذ ايراني و جبهة تحاول تأكيد و توسيع النفوذ الامريكي - صراع مذهبي و طائفي .

المثير للدهشه ان احد استطلاعات الرأي اثبتت ان غالبية العراقيين شايفين ان الوضع ايام حكم صدام حسين كان احسن بكتير من الوضع الراهن ..!

العراق هايرجع عراق تاني امتي .. الله اعلم .


**********

سابع كحكة و الأخيرة :- فلسطين :

فلسطين .. انتوا عارفين فلسطين بالنسبة لي يعني ايه .. ف مش هاتكلم كتير و هاخش في الموضوع .!!

فلسطين متقسمة الي 3 جهات :-
1- الضفة الغربية ( تحت سيطره السلطة الفلسطينيه - حركة فتح ) .
2- قطاع غزة ( تحت سيطرة الحكومة الفلسطينية المقالة - حركة حماس ) .
3- فلسطين المحتلة ( تحت سيطرة اوسخ ناس في العالم .. الصهاينه ) .

1- الضفة الغربيه - حكومه رام الله - محمود عباس - حركة فتح .
في نظري انها حكومة غير شرعية لكذا سبب-مش موضوع التدوينة- بس المهم ان رئيس السلطة الفلسطينية هو برضو صاحب الدور الرئيسي في اتفاقيه اوسلوا .!! محمود عباس .
دا غير انه كل يوم يطلع يقول ان حل القضية الفلسطينية سيأتي عن طريق التفاوض و ليس المقاومة .
دا غير طبعااااا ان حكومته مواليه لأمريكا و دول الاعتدال ( مصر - السعوديه - الأردن ) .
يعني الحكم عبارة عن شوية تصريحات مش اكتر مع حبة تنسيقات بين الامن الفلسطيني التابع للسلطه و بين قوات الاحتلال بمباركة امريكية.

2-قطاع غزة - الحكومة المقالة - حركة حماس - اسماعيل هنية
اول حاجه احب اقولها اني متضامن مع غزة فيما تعانيه كل يوم .
قطاع محاصر لوجود حركة حماس الدارجه علي قائمة الحركات و الجماعات الارهابية -في نظر أمريكا والغرب و شوية عرب تيت- .
القطاع محاصر من سنة 2007 بعد الاقتتال الداخلي و بعد نزع شرعيه حكومة الوحدة الوطنية و بعد سيطرة حركة حماس علي القطاع .
و تم محاصرة القطاع لاسباب حقيقة و اسباب كدا و كدا .!! بس الاسباب اللي في اعتقادي هيا :-
* احراج حركة حماس داخل قطاع غزة بأنها المتسببة في الحصار المفروض .
* الضغط علي حركة حماس لقبول ورقة المصالحة الفلسطينية
* منع تهريب الاسلحة الي قطاع غزة عن طريق الانفاق
** النتايج :-
* مجزرة غزه اللي لسه الناس اخواتنا في غزة بيعانوا منها لحد دلوقتي .
* بناء جدار فولازي بين رفح و غزة بهدف منع تهريب الاسلحة عن طريق الانفاق .. اللي كانت اصلا شغالة بموافقة و معرفة النظام المصري ..!

المهم في القصة يا معلم ان حصار غزة مفروض بموافقة كل من حكومات رام الله و القاهرة و تل ابيب !! احيه يابو سوسو بجد ..!
يعني لو تل ابيب وافقت علي فك الحصار عن غزة , حكومه القاهرة و رام الله هايقولولها : لأ يا تل ابيب .. دول عيال مش متربية .. حاصريهم شوية كمان .!!

* ورقة المصالحة الفلسطينية :-
المعلن انها نص الطريق لإقامه الدوله الفلسطينية , بس هيا في اعتقادي لاسباب تانية , ودا اللي خلي حركة حماس ترفض الورقة دي لاعتراضها علي عدد من البنود اللي منها :-
- الاعتراف بإسرائيل .!!
- إلقاء سلاح المقاومة .!!!!
و رفض حماس للمصالحة من الاسباب اللي مخليه اسرائيل و السلطة الفلسطينيه و مصر محاصرين قطاع غزه لحد دلوقتي .

*غزة هيا المكان الوحيد في فلسطين كلها اللي مفهوش اسرائيلي واحد .
*غزة هيا المكان الوحيد المحرر من فلسطين .
*غزة هيا المكان الوحيد اللي فيه مقاومة .

حركة حماس مواليه لحزب الله اللي موالي لايران
طب حزب الله موالي لايران و قولنا عديها يا جدع علشان هما شيعة زي بعض
انما حماس ليه ؟؟؟؟؟
اعتقد ان اتباع حماس لايران بيخدم اهداف الطرفين .
** بيخدم ايران لان دا بيعملها دور اقليمي و يخليها واسعة النفوذ , ودا بعد كحكتنا الحلوة مصر ما فقدت دورها الاقليمي من زمان و بالخص بعد مجزرة غزة , فكان لازم انه توجد قوي اقليميه ذات وزن سياسي تقيل تشغل المكان الفاضي اللي سابته مصر .
** وبيخدم حماس لانها عارية الدعم السياسي و يمكن العسكري , و لأن مصر تعتبر حماس حركة ارهابية , ولأن مصر هيا راعي المصالح الامريكية و الصهيونية في الشرق الأوسط - ومعاها السعودية و الأردن- فأكيد مصر عمرها ما هتدعم حركة حماس او اي حركة تعتبرها امريكا و إسرائيل مصدر خطر
فكان لازم ان حركة حماس تدور علي داعم لسياستها , بس للأسف الاتنين و عشرين دوله عربية مفهومش راجل واحد يقدر يقول انه يدعم حركة حماس و يدعم المقاومة المسلحة

المهم ان حماس لقت في ايران الداعم القوي ليها , و الكلام دا معجبش مصر لأن بكدا الظروف السياسية هاتخلق من ايران بلد اقليمي له نفوذ
و هاتزرع لايران دور اقليمي في الشرق الأوسط لا يستهان به .

فأصبح الشرق الاوسط كالآتي :-
1- دول اعتدال ( مصر - السعودية - الأردن ) .
2- دول ممانعة ( سوريا - ايران - قطر ) .
3- محور الشر ( سوريا - ايران - حزب الله - حركة حماس ) .

1- دول الاعتدال :- تعمل وفق الاجندة الامريكية الموضوعة بالتنسيق مع الكيان الصهيوني و اللي بتضمن حماية مصالح امريكا و اسرائيل مش بس حمايتها بالقوات الامريكية الموجودة في الوطن العربي , لأ دا كمان بتضمن حماية امريكا و اسرائيل بالعرب ..!

2- دول الممانعة :- هيا الدول اللي تعتبر بتنفذ الاجنده الايرانية و بتحاول بكل الطرق انها تحرج الانظمة السايسيه فغي دول الاعتدال .

3- محور الشر :- هما مجموعة دول و حركات وضعت داخل إطار واحد محتمل انه يوجه ضربة عسكرية لإسرائيل , دا غير ان محور الشر دا هو المسبب الوحيد لحالة القلق داخل فلسطين المحتله - الكيان الصهيوني و امريكا , بإعتباره خطر موجود علي أرض الواقع يهدد مصالح امريكا و الكيان الصهيوني , بإعتبارهم كيانات موجودة تعادي المشروع الصهيوني و مصالح امريكا في الشرق الأوسط .

4- دول عربية قاعده علي القهوة بتشيش :- هيا الدول العربية اللي قلت عليها في الاول انها عبارة عن كحك موجود في الطبق كل هدفه في الحياة انه يتاكل ..
بالهنا و الشفا ..!

مقال الرئيس حسني مبارك بصحيفة نيويورك تايمز الامريكيه الصادره بتاريخ الاربعاء 1\9\2010

عشر سنوات مرت منذ اخر مرة اقترب فيها الفلسطينيون و الاسرائيليون من التوصل الي إتفاق سلام دائم في طابا في يناير عام 2001 , و خلال فترة خدمتي في القوات الجويه شهدت الآثار المأساويه للحرب بين اسرائيل و العرب , و كرئيس لمصر تحملت الكثير من النجاح و الفشل في عمليه السلام , حتي ان قرار مصر بأن تكون أول دولة عربيه تصنع السلام مع اسرائيل كلفها حياة رئيسها الراحل انور السادات , و شهدت اغتيال السادات عام 1981 علي ايدي المتطرفين , و منذ ذلك الوقت و انا احاول تحويل حلم السلام في الشرق الاوسط الي حقيقه .

الآن و بعد نحو عامين علي توقف المفاوضات المباشرة , نحن نفتح فصلا جديدا في هذا التاريخ الطويل , و يزعم الكثيرون ان هذه الجوله الجديده من المفاوضات المباشرة , و التي تنطلق بإجتماعات بين الرئيس الامريكي باراك اوباما و الرئيس الفلسطيني محمود عباس و رئيس الوزراء الاسرائيلي بنيامين نتنياهو و عاهل الاردن الملك عبدالله الثاني و انا , محكوم عليها بالفشل مسبقا مثل غيرها.

ان اصرار اوباما علي المشاركة في المفاوضات احيا الامل في السلام , وينبغي اقتناص هذه الفرصه.إن اسس التسويه الفلسطينيه الاسرائيليه واضحه و هي إقامة دوله فلسطينية علي الاراضي التي احتلتها اسرائيل عام 1967 , و ان تكون القدس عاصمه للدولتين اسرائيل و فلسطين, و قد حسمت المفاوضات الخاصة بالوضع النهائي للاجئين و الحدود و القدس و الامن.

إن اكبر عقبه تقف الآن في طريق النجاح هي عقبه نفسيه تتمثل في التأثير المتراكم لسنوات العنف و توسيع المستوطنات الاسرائيلية التي افضت الي انهيار الثقه علي الجانبين , و من اجل تحقيق النجاح يتعين إعادة بناء الثقة و الاحساس بالامن .
كيف نفعل ذلك؟

اولا يتعين علينا حماية عمليه السلام من اندلاع موجات جديده من العنف , ومصر مستعدة في هذا الصدد لاستئناف جهودها من اجل حسم العديد من القضايا الصعبه التي تحيط بغزه من خلال التوسط في تبادل الاسري بين اسرائيل و حماس التي تسيطر علي القطاع لوضع نهايه للحصار الاسرائيلي و تعزيز المصالحة بين حماس و فتح التي تسيطر علي الضفة.

من اجل نجاح السلام بين اسرائيل و الفلسطينيين فلابد ان يتم ذلك بإعتباره جزءا من سلام اقليمي اوسع بين اسرائيل و العرب, و تقدم مبادرة السلام العربية , السلام و التطبيــــع مقابل انسحاب اسرائيل من الاراضي العربيه و التوصل الي حل عادل لقضية اللاجئين , لكي يتعين علي الطرفين خلال هذه الفترة الانتقالية إظهار ان هذا الحلم في متناول اليد , و علي الدول العربية ان تواصل التدليل علي جدية مبادرتها من خلال خطوات تلبي امال و تبدد مخاوف رجل الشارع الاسرائيلي .

من جانبها يجب علي اسرائيل ان تنتبه الي ان المستوطنات و السلام لا يلتقيان , بل ان المستوطنات تعمق الاحتلال الذي يسعي الفلسطينيون الي انهائه, و الوقف التام للتوسع الاستيطاني في الضفة الغربيه و القدس الشرقيه هو امر مهم اذا كان للمفاوضات ان تنجح.

و بالنسبه للجانبين فإن عمليه بناء الثقه لا يمكن ان تقوم الا علي امن ملموس , لكن الامن لا يمكن ان يعطي شرعية لاستمرار الاحتلال الاسرائيلي للاراضي الفلسطينية , إذ انها تقوض المبدأ الجوهري القائم علي الارض مقابل السلام , و انا ادرك حاجه اسرائيل المشروعة للامن , و الذي يمكن ان يتفق مع مطلب الفلسطينيين العادل للانسحاب الكامل من الاراضي المحتله و مصر تعتقد ان وجود قوات دولية في الضفة الغربية يجري نشرها لمدة يتفق عليها من قبل الاطراف , يمكن ان تمنح كليهما الثقة و الامن .

و اخيرا فإن مصر علي اهبه الاستعداد لاستضافة الجولات التالية من المفاوضات فكل الاتفاقات الاسرائيلية الفلسطينية التي تم التوصل اليها تمت بمشاركة مصرية نشطة و بتعاون وثيق مع الولايات المتحدة , و كانت محاتدثات عام 2001 في طابا اقرب نقطة لتوصل الطرفين الي اتفاق ينهي الصراع .
دعونا نبدأ من حيث انتهي الطرفان علي امل ان تؤدي روح المشاركة التي اتسمت بها هذه المحادثات الي النجاح .

نحن نعيش في عالم يعاني من مرارة التطرف , و التوصل الي سلام دائم بين الفلسطينيين و الاسرائيليين سيعيد الامل الي الشرق الاوسط و للشعوب في كل مكان و كشخص شهد الدمار الذي تسببه الحرب و آمال السلام اناشد جميع الاطراف ان تعمل علي انجاح هذه الجولهة الجديدة من المفاوضات .

تهويد آثار القدس والضفة والجولان

أنجزت الحكومة الإسرائيلية مخططها الهادف إلى تهويد المعالم الأثرية الإسلامية والعربية والمسيحية في الضفة الغربية والجولان المحتل والقدس الشرقية والداخل.

ويأتي إنجاز المخطط مع قرب انتهاء موعد تجميد الاستيطان في السادس والعشرين من سبتمبر/أيلول القادم والتصريحات الإسرائيلية بتجديد أعمال البناء.

ويهدف المخطط إلى تهويد 150 موقعا أثريا تراها إسرائيل مواقع يهودية وصهيونية. وهذا ينسجم مع شعار "يهودية الدولة" الذي يرفعه رئيس الحكومة بنيامين نتنياهو.

من البحر إلى النهر

خريطة "أرض إسرائيل" تظهر المواقع الاثرية التي سيتم تهويدها (الجزيرة نت) اضغط للتكبير

وبحسب المخطط الذي يُحرك مباشرة من قبل مكتب رئيس الحكومة، تظهر خريطة "إسرائيل" من البحر إلى النهر مع ضم الضفة الغربية والجولان المحتل وإبراز مسارات تاريخية تمر وترتبط بالأماكن الأثرية ومسارات أخرى تمر عبر المستوطنات في الأراضي العربية المحتلة.

وسوغ نتنياهو الأهداف من وراء المخطط بالقول إن المشروع بمثابة حرب أخرى على مستقبل الصهيونية ويهودية الدولة. "لذا واجبنا أن نمنح أطفالنا هذا التراث. وجودنا كدولة ليس مرتبطا بالجيش فقط أو بمناعتنا الاقتصادية، وإنما بتعزيز معرفتنا وشعورنا الوطني الذي سننقله للأجيال القادمة".

وكشف المحامي قيس ناصر للجزيرة نت عن وثائق وخرائط المخطط الذي يأتي تطبيقا لقرار الحكومة الإسرائيلية في شهر فبراير/شباط 2010 بالإعلان عن عدة مواقع عربية كأسوار القدس وسلوان والحرم الإبراهيمي في الخليل ومسجد بلال بن رباح في بيت لحم، كمواقع وطنية للتراث اليهودي.

وكذلك تهويد منطقة أم القناطر ودير عزيز في الجولان المحتل، وترميم وتحديث 62 موقعا استيطانيا بالضفة ومقابر يهودية في طبريا ويافا.

طمس المعالم
وتابع ناصر في حديثه للجزيرة نت "نتحدث عن مخطط يهدف إلى طمس المعالم والمقدسات والمواقع الأثرية الإسلامية والمسيحية، في حين تشهد أغلب المقدسات والمواقع الأثرية العربية بالداخل اندثارا".

رئيس أساقفة سبسطية الروم الأرثوذكس المطران عطا الله حنا (الحزيرة نت)

وأردف قائلا "حتى المقابر لم تسلم من التمييز العنصري فمع أن عددا كبيرا من المقابر الإسلامية والمسيحية يعاني من الاندثار فإنه لا يحظى بالدعم الذي تتلقاه المقابر اليهودية".

وخلص إلى أن المخطط يعزز يهودية وصهيونية مواقع تتواجد في الأراضي العربية المحتلة، وهو ما يعد تشريعا للاحتلال والاستيطان على نحو ينافي القانون الدولي

. "لهذا يجب التصدي للقرار على الساحة الدولية والعربية وإدانته سياسيا وقضائيا".

وتبلغ كلفة المخطط نحو 160 مليون دولار أميركي وسيدخل للخزينة الإسرائيلية نحو 170 مليون دولار سنويا وسيوفر نحو 3000 فرصة عمل للإسرائيليين كونه سيزيد عدد السياح القادمين لإسرائيل.

بدوره عقب

رئيس أساقفة سبسطية الروم الأرثوذكس المطران عطا الله حنا على المخطط بالقول إن المشروع يحمل في طياته بعدا سياسيا عنصريا خطيرا، إذ إنه "يتجاهل وجود الفلسطينيين في هذه البلاد بمسلميهم ومسيحييهم ويتجاهل أهمية هذه الأرض وقدسيتها بالنسبة للمسيحيين والمسلمين".

وتابع في حديثه للجزيرة نت أن المخطط يهدف إلى الإمعان في التهويد والأسرلة وطمس المعالم العربية المسيحية والإسلامية. ودعا إلى شن حملة للتصدي له والتوعية بخطورة هذا المخطط الذي يزيف التاريخ ويقلب الحقائق رأسا على عقب "ويتجاهل ارتباطنا كفلسطينيين بهذه الأرض المقدسة إيمانيا ووطنيا وقوميا".

عرقلة قيام الدولة

المحامي قيس ناصر كشف للجزيرة نت عن وثائق وخرائط المخطط

من جانبه قال مدير مركز الدراسات المعاصرة الدكتور إبراهيم أبو جابر إن الهدف هو إعاقة أية مبادرة أو خطة لإقامة دولة فلسطينية، فسياسة المماطلة الإسرائيلية تأتي لتثبيت حقائق على الأرض لإعاقة المشروع الوطني الفلسطيني.

وأضاف للجزيرة نت "نتحدث عن خطوة إضافية من قبل إسرائيل لضم الضفة الغربية، وخطوة متقدمة جديدة نحو ضم المسجد الأقصى دون إثارة الرأي العام عالميا وعربيا وفلسطينيا".

وأشار إلى أن تهويد الأماكن الأثرية في فلسطين محاولة من إسرائيل لطمس هويتها وإنهاء ظاهرة الانتماء لهذه الأماكن من طرف الفلسطينيين، وشطب وتغييب الرواية التاريخية الفلسطينية واستبدالها مكان أخرى يهودية.

المصدر : موقع الجزيرة
http://www.aljazeera.net/NR/exeres/2493E6C2-196B-46FC-907E-244BD17C7131.htm?GoogleStatID=9

أمن الدولة يعتقل طالب فلسطيني بـ 6أ كتوبر لاختراعه شبكة اتصلات معقدة يمكن استخدامها في التجسس

غزة - ألقى جهاز مباحث أمن الدولة المصري القبض على طالب فلسطيني يدرس في مجال هندسة الاتصالات، بعد اختراعه شبكة اتصالات معقدة، تستخدم في عمليات التجسس، ويمكن من خلالها استخدام ارقام هواتف من شبكات اتصالات اخرى في عمليات الاتصال دون ان يتم اكتشافها او تحديد مكان اجراء المكالمات.

وذكرت تقارير إخبارية أن جهاز مباحث أمن الدولة بمحافظة السادس من اكتوبر اعتقل طالبا فلسطينيا من قطاع غزة يدرس في جامعة 6 اكتوبر من العام 2002 في كلية الهندسة، وبحوزته "شبكة اتصالات معقدة" يمكن استخدامها في اعمال تجسسية دون ان يتمكن احد من ضبطها او تحديد مكانها.

ووفق ما ذكر فان الطالب الفلسطيني ورمز له بـ' س. ا ' ويبلغ من العمر (30 عاما)، وهو يفوق اقرانه في الدراسة من ناحية العمر، التحق بالكلية في العام 2002، وواظب على الرسوب في كليته كثيرا رغم تفوقه العملي على باقي زملائه، وذلك لاخذ فرصة اكبر في البقاء داخل مصر من خلال الاستفادة من الاقامة التي تمنح للطلاب.

وتفيد المعلومات ان الطالب ما يزال يتلقى نفقات دراسته من والديه بقطاع غزة رغم تعمده الرسوب.

وبحسب اقرانه في الكلية فقد اكدوا انه كان في غاية الذكاء والعبقرية، وانه يستطيع النجاح بسهولة في الدراسة التي كان يتعمد الفشل فيها، وهو امر بحسب المصادر الامنية المصرية جعل الشكوك تحوم حوله.

ووفق ما ذكرت المصادر فقد بينت انه تم ورود معلومات امنية مفادها ان الطالب تمكن من اختراع شبكة اتصالات معقدة لا يمكن كشفها بسهولة وانه كان يفكر في تسجيل 'براءة اختراعه' حسب اقوال زملائه.

وذكرت المصادر ان هذا الطالب انتقل من القطاع الى مصر بغرض الدراسة في العام 2002 واستغرق في اختراع شبكة اتصالات معقدة وفريدة من نوعها لمدة ثمانية اعوام حتى نجح في اختراعه.

وبعد ورود هذه المعلومات داهمت قوة من مباحث امن الدولة شقة الطالب بمدينة السادس من اكتوبر، واعتقلته وتحفظت على الحاسب الآلي الخاص وهاتفه المحمول.

وعقب عملية الاعتقال طلب رجال الامن من الطالب الفلسطيني تشغيل شبكة اتصالاته المبتكرة، وهي عبارة عن شبكة اتصال اضافها بمكون جديد للحاسب الآلي مستخدما سماعة وميكروفونا للتحدث من خلالها بالاضافة الى ارسال واستقبال بيانات غير مرئية.

وفق المعلومات فان هذه الشبكة يمكنها ان تجري اتصالا هاتفيا بأي ارقام هاتفية بجميع ارجاء العالم دون ان تكون متصلة بشبكة الانترنت، وهو امر اذهل رجال الامن.

وتستطيع شبكة اتصال الطالب الغزي اجراء اتصال هاتفي مستخدما اي ارقام هاتفية تظهر للمستقبل من اي مكان في العالم برغم اجرائه للمكالمة الهاتفية من القاهرة، كما يمكنها استخدام ارقام خاصة بمواطنين دون ان يعلموا، وهو ما يتيح له اجراء مكالمة هاتفية مستخدما رقم شخصية مرموقة او شخصية عادية من اي مكان في العالم.

وتبين لاجهزة الامن انه اذا تتبعت المكالمة لا تستطيع الوصول لصاحب المكالمة، وانه في حال تم التوصل لصاحب الرقم سيفاجأ بانه لا يعلم شيئا واذا تم فحص هاتفه وشريحته سيتبين عدم اجراء اية مكالمات من هاتفه برغم ظهور رقم هاتفه على هواتف اخرى.

ووفق ما ذكر ايضا فانه يمكن استخدام جهاز الاتصال هذا في اعمال 'تجسسية وارهابية' على اعلى مستوى دون التمكن من ضبطه او ضبط من اجرى مكالمات من خلال هذا الجهاز، ويمكن للجهاز ارسال بيانات غير مرئية.

وذكرت المصادر الامنية انه تم التحفظ من قبل مباحث امن الدولة على الطالب الفلسطيني وعلى اختراعه المعقد لحين عرضه على مهندسين وخبراء مصريين للكشف عليه


المصدر : موقع مصراوي
http://www.masrawy.com/News/Egypt/Politics/2010/august/30/phalastain.aspx?ref=rss&utm_source=twitterfeed&utm_medium=twitter

وجوب الانتفاضه الثوريه

مفيش عندي اكتر من ان اوضاعنا و وجوب الانتفاضه و الثوره عليها هما اللي خلوني اكتب التدوينه دي .!!

هاتكلم عن اسباب وجوب الانتفاضه الثوريه من خلال اوضاع السياسات الداخليه و الخارجيه في مصر .

أولا : اوضاع السياسات الداخليه .

1- التعليم :

التعليم المصري في نظري فــــاشل تماما , ولا يصلح ان يكون تعليم شباب البلد و هم الفئة الاكثريه من ناحيه العدد ان يكون بهذا الشكل السيء.
اتعلمت في قسم علم الاجتماع حاجه كويسه جدا و هيا انه يتم تقدير الشعوب من حيث التقدم و التأخر بأحوال شبابها , بمعني انه لو الشباب في بلد معين تعليمه كويس يتيح له التقدم علميا و فكريا فأنه قادر علي جعل هذا المجتمع متقدما في جميع المجالات .
اما اذا كان الشباب في نفس البلد غير مجهز علميا و تعليميا و فكريا و غير مجهز له سبل التعليم المتطور و المتقدم فإن هذه الفئه صاحبه الاكثريه العدديه ستكون العامل الاساسي في تأخر مجتمعها في جميع المجالات بإعتبار عدم تقديمهم الخبرات المطلوبه لهذا المجتمع .!!

اما في مصر ف مفيش ولا جامعه مصريه عدله !! كله في الهجايص يا معلم .!!
طيب في كدا اتنين ازاي في عقلي .!!
1- ازاي الحكومه شايفه و عارفه ان حال شبابها في النازل ومش عارفه تعدل حاله الا اذا كانت حكومه غير قادره علي كدا و كمان مش عاوزه الشباب يثور عليها و عاوزاه يبقي تحت جناحها ؟؟؟؟؟
2-ازاي الشباب شايف و عارف حاله عامل ازاي و مش بيتحرك ؟؟ مش بيطالب بتعليم كويس ؟؟ الا اذا كان الشباب دا ملهي في المخدرات و الدعاره وحكايات السنين !!

2- الحاله المعيشيه للمجتمع المصري و ارتفاع الاسعار :

كلنا و الحمدلله عايشين بس في غيرنا مش قادرين .. مش قادرين يشتروا اقل الحاجات المطلوبه غذائيا .!!
ولا عيش ولا سمنه ولا دقيق ولا زيت ولا اي حــاجه , كله في العلالي يابا !!
و احب اقول الجمله الاساسيه للاسره المصريه :
كل حاجه بقت غاليه و مولعه نااااار .!!
الشعب بيبيع في هدومه علشان ياكل و الحكومه بتبيع في الغاز علشان ..... مش عارف علشان ايه ؟!!
و ياريت بسعر معقول , لأ دا بأقل من تمنه !! احيه يابو سوسو بجد .
في ملايين المصريين مش لاقيين لقمه العيش .. البلدي المدعم اللي تشوفه كأن دايس عليه قطر !! قطر الصعيد اللي اتحرق .
دا غير طبعا حقوق العمال اللي ضايعه و اجورهم المنهوبه و الدليل الاعتصامات العماليه اللي بتكتر كل يوم عن اللي قبله ودا غير طبعا المواصلات الخربانه و المتهالكه و المرافق اللي زي الزفت و الخدمات المعفنه وحاجات تانيه كتير.
طب برضو في اتنين ازاي في دماغي :
1- ازاي الحكومه عارفه ان كل الكلام اللي قلته دا حقيقه و الناس بتعاني منها ومش بتعمل حاجه ومفيش اي تقدم او تحسن في اي موقف من المواقف اللي فاتت دي لأ و كمان عايزه الناس تسكت و ترضي بالوضع الحالي (حالي و عمتي) و تخليهم موافقين علي سياسات الحكومه..
الا اذا كانت دي فعلا حكومه لا تستحق الثقه هيا و النظام الحاكم .!!
2- ازاي الناس اللي بتعاني من الحاجات دي و عايشه في وضع ابن كلب اخر ست حاجات و شايله الهم و ساكته , ماشيه قلقانه حتي و هيا جمب الحيط , ومش عارفه تثور ولا حتي تنتفض علي الحكومه و نظامها الفاسد .!! يعني انتوا كدا راضيين بالوضع ؟؟! مش فاهم بجد .

3- فساد النظام الحاكم :

الرئيس حسني مش مبارك من تلاتين سنه فقعنا تصريح في مجلس الشعب , قال فيه (نحن حريصون علي تداول السلطه و إرساء قواعد الديموقراطيه في مصر بلد الامن و الامان , و انني لن استمر في رئاسه الجمهوريه اكتر من فترتين) .!!!!!!!

اول حاجه انه مفيش ولا حاجه من دول اتعملت دا غير تزويرالانتخابات و إقصاء المعارضين لحكمه و تشويه صوره المعارضه و تجويع الشعب و السكوت عن بيع امواله و تصدير الغاز للعالم الوسخه و عدم انصاف قضيه فلسطين و السيطره علي مصر و شعبها و تأمين حكمه فيها من خلال السلطه التنفيذيه دا غير عدم وجود اقتصاد مصري سليم .. كله بالهجايص يا معلمي .!!
لأ و عايز ابنه يحكم بالتوريث و هوا يخرج منها زي الشعره م العجينه بمشروع الخروج الآمن .!!
وطبعا ماننساش ضرب المتظاهرين في المظاهرات و الوقفات السلميه اللي الدستور مكتوب فيه انها شرعيه و سليمه .!!
و طبعا و انتم عارفين اد ايه احنا اتكلمنا عن قانون الطــــواريء و عدم شرعيته و تقييده للحريات و مدي التعذيب و الاهانه اللي بيتعرض ليها الناس في ظل العمل بقانون الطواريء .. مزبله م الاخر .!!
الاتنين ازاي المعتادين :
1- ازاي الحكومه عارفه و شايفه اد ايه الناس زهقت من الوضع السياسي في مصر و ظهرلهم اننا مش راضيين عن اوضاع البلد و عدم وجود ديموقراطيه سليمه ولا انتخابات حره و نزيهه ولا اي حاجه من حاجات و محتاجات الحكم السليم لأي بلد .!! و ساكته و برضو مش عايزه تشوف احنا عاوزين ايه , و ايه التغيير اللي بنطالب بيه , الا اذا كان الحكومه دي مستمره في كدا و مش مهم عندها الشعب عاوز ايه ولا الناس بتعاني من ايه .!!

2- ازاي الشعب (شباب و عمال و اسر و كل الفئات اللي ممكن تتخيلها ) ساكتين علي الوضع المقرف دا الا اذا كان الوضع عاجبهم ومش بيشتكوا من حاجه خالص .!!

دا كان الجزء الخاص بأوضاع السياسات الداخليه في مصر .


ثانيا : أوضاع السياسات الخارجيه .

1- علاقة مصر بالدول العربيه و صورتها في العالم عموما :

لا اعتقد ان في اوسخ من الوضع اللي عايشين فيه و صورتنا قدام العالم اللي بقت زي الزفت .!!
الصورة دي مش جديده او بقت زفت من فتره قريبه لأ دي من ساعه اتفاقيه السلام مع الكيان الصهيوني و الاعتراف به كدوله .!! و دا كان السبب الرئيسي اننا بعدنا عن العالم العربي .. اللي هما زينا يعني من خلال لغه واحده و منطقه جغرافيه واحده و روابط في العلاقات و تقاليد و عادات واحده .
مخاصمين سوريا و نتعالي علي السودان و شايليين من حسابتنا موريتانيا و منفضين للمغرب و تونس و ليبيا و الجزائر و بنهاجم قطر و في الاخر نتسول منها مبارة كره قدم .!!
من تلاتين سنه عمرنا ما قولنا كلمه عدل او انصاف في حق فلسطين و شعبها و حقه في الحياه زي بقية الشعوب .!!

2- تعريف المقاومه علي انها ارهاب :

انا مقتنع تماما بإن المقاومه بجميع اشكالها بما فيها المقاومه المسلحه , هي مقاومه مشروعه لانهاء أي احتلال علي أراضيها , طالما أن هذه المقاومه تنبع من حركات تحرريه و ليست انفصاليه .
اشمعني بقي احنا دلوقتي او بلاش احنا خليها نظامنا الحاكم معترف بإن المقاومه دي هي إرهاب يجب قمعه و التخلص منه .!! و الكلام دا يخص حزب الله في الجنوب اللبناني و حركة حماس في غزه الفلسطينيه .

طب السؤال هنا هوا مش احنا ايام الانجليز كان في مقاومه .!! و كان في فدائيين .!! ايه الفرق بينهم و بين الشباب اللبناني ولا الفلسطيني اللي ماسك سلاح و بيقاوم بيه المحتل الصهيوني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
كله في نظري مقاومه و كله في نظري برضو احتلال يجب مقاومته .!!

3- علاقه مصر بإسرائيل :

قبل أي شيء و بعد أي شيء ..أم اتفاقيه السلام .!!
ودا رأيي فيها بصراحه شديده .!!
اتفاقيه وسخه خلتنا نبيع كرامتنا لاسرائيل , وخلتنا نبيع ولادنا اللي اتقتلوا علي الحدود لاسرائيل بسكوتنا علي كدا ,و خلتنا حاطيين وشوشنا في الطين لما الريس يبعت لرئيس الكيان الصهيوني يهنئه بإستقلال بلده , اللي هيا فلسطين المحتله و ليست اسرائيل .!!
اللي هيا قام عليها كيان صهيوني متطرف ضاربا بعرض الحائط جميع القوانين و القرارات الدوليه اللي بتنص علي انهاء الاحتلال .
اتفاقيه وسخه خلتنا نبيع الغاز المصري لاسرائيل في وقت بلدنا محتاجه فيه كل قرش .
اتفاقيه وسخه خلتنا نبيع الغاز المصري لاسرائيل بسعر اقل بكتير من تمنه في وقت انبوبه الغاز بأربعين جنيه و ياريت الناس بتعرف تشتريها من كترالذل و المهانه اللي بيشوفوها عند كل مخزن انابيب .!!
اتفاقيه وسخه خلت اكبر بلد عربي خاض حروب ضد الكيان الصهيوني يخرج من المعادله السياسيه في المنطقه و يفقد دوره الاقليمي الطبيعي في المنطقه العربيه .
اتفاقيه وسخه خلت الدول العربيه من بعدينا تقوم بنفس او بشبه الاتفاقيه دي زي الاردن في سنه 84 لما فض الأرتباط مع الضفه و انهي علاقته بيها , و زي لما رضينا علي اتفاقيه اوسلو الوسخه .!!
اتفاقيه وسخه خلتنا من بعد ما كان لينا صوت و كلمه مسموعه نبقي زي الكلاب في الشارع
ولا لينا اي لازمه .!!
اتفاقيه وسخه خلتنا قافلين بلدنا ف وش الفلسطينيين و فاتحينها ع البحري لكل كلب بيجي من اسرائيل .!!
اتفاقيه وسخه خلتنا مع اي حاجه تحصل في فلسطين الحبيبه , نشجب و ندين ونساند .!!
احيه يابو سوسو .!!!!!
اتفاقيه وسخه خلتنا نمشي عند كوبري الجامعه حاطين راسنا في الارض علشان علم الكيان الصهيوني بيرفرف في السما .!! عندنا في بلدنا .!!

بجد نفسي اعرف ايه رد او شعور اهالي الشهداء اللي ماتوا بسبب حروبنا مع الكيان الصهيوني لما بيعدوا هما كمان من عند كوبري الجامعه و يشوفوا العلم الصهيوني في سماء مصر .!!
طب ايه شعور كل واحد فينا لما بيشوف العلم دا في بلدنا ؟؟ بيقول ايه ؟؟ ايه اللي بيتمناه ؟؟ طب ايه شعور مش مبارك وهوا بيسلم علي سفاحين الكيان الصهيوني في الزيارات الرسميه و غير الرسميه ؟؟
ايه شعوره و هوا حاطط ايده ف ايد سفاحين و مرتزقه و بتوع عصابات ؟!!

الحقيقه هيا اننا لازم نعترف بحق المقاومه المسلحه في الدفاع عن ارضها و انهاء الاحتلال و تقديم الدعم الكامل ليها .!! علشان احنا زمان كنا زيهم .
وفي المقابل قطع العلاقات الدبلوماسيه مع الكيان الصهيوني و انهاء العمل بإتفاقيه السلام مع الكلاب دول .

لو كل اللي فات دا اسمه استقرار .. يبقي دا استقرار في القاع .!!

خلاصه الكلام هوا ان النظام اللي يقتل شعبه علي جميع المستويات السياسيه و الاقتصاديه و الاجتماعيه و التعليميه و الاخلاقيه , هوا نظام لا يستحق الثقه ويجب علي الشعب ان يبدأ في الانتفاضه الثوريه ضد هذا النظام الفاسد لإزالته .

اللي بني مصر مكانش حلواني

اللي بني مصر كان في الاصل حلواني وعشان كدا مصر يا ولاد حلوه الحلوين.!!
و هكذا كانت دي مقدمه مسلسل بوابه الفكهاني اللي اتكلمت عن مصر في فتره الخديويه و عبده الحاموولي و ألمظ و احمر و اسمر .!!

طب اللي كتب كلمات الغنيوه الحليوه دي كان عاوز يقولنا ايه ؟؟!!! ان مصر اللي هيا حلوه الحلوين دي , مصر الشعب ولا مصر الدوله ولا مصر البلد ولا مصر الحكوووومه ؟؟؟؟؟!!!

لو مصر الشعب فكان زمان مصر فعلا حلوه الحلوين .!!
لو مصر الدوله ف عمرها ما كانت حلوه الحلوين .!!
لو مصر البلد ف هيا اصلا حلوه الحلوين .
اما بقي لو مصر الحكومه ف تـــــــيـــــــــــــت .!!!!

انتا يا عم مفيش حاجه عجباك ابدا ؟؟!!! اه ياعم مفيش حاجه عجباني .!! ماهو اصل لو في حاجه تعجب الواحد كنت قولت عليها انما مفيش ولامؤأخذا ..!!!

اصل انتا لو تعرف اللي فيها كنت عذرت كلامي دا ..!! كلام ايه ؟؟ كلام ان التلاتين سنه خرا اللي فاتوا دول البلد و سياستها و حكوماتها عملوا فينا عمايل يا جدع ..!!! عملوا ايه ما تقولي ؟؟

لا ابدا كل الحكايه ان احنا شعب اتضحك عليه .!! ايوا احنا اتضحك علينا لما قالوا انها ثوره و هيا كانت انقلاب عسكري .!!
اتضحك علينا لما جمال عبد الناصر حدد اقامه محمد نجيب علشان الاخير كان عاوز ان الظباط الاحرار يرجعوا مكانهم تاني و هوا الجيش و يسيبوا السلطه و الحكم للدوله و يرجع استقلال الدوله و قضائها من تاني .!!
اتحدد اقامته علشان بس كان عاوز مصر تبتدي طريق الديموقراطيه من الاول , بس للأسف احنا نزلنا علي الطريق الدائري من نصه ومفيش حاجه تودينا .!!

اتضحك علينا لما جمال عبد الناصر استمد شرعيه حكمه للبلد بالكلام عن فلسطين ايام لما كان في عروبه بجد .!!
اتضحك علينا لما الاخبار و الاذاعات طلعت علينا يوم 5 يونيو 67 تقولنا ان الجيش المصري اسقط 100 طياره للعدو .!! و الحقيقه ان العدو دغدغ الطيارات بتاعتنا و هيا علي الارض .!!

ماتفهمش كان المذيع ساعتها مبرشم ولا ايه ؟؟؟؟؟؟

مـــات عبد الناصر بعد خساره فلسطين و القدس , وبعد انهيار العروبه ,و بعد انحراف جهاز المخابرات , وبعد طحن المعارضه و زوار الفجر .!!

و جه عصر السادات .!! و اتضحك علينا تـــاني لما راح فلسطين المحتله (اسرائيل) و اعترف بيها .!! و عمل معاهده سلام مع الكيان الصهيوني من طرف واحد و بشروطهم هما .!!!!!

حرب 73 اللي معداش عليها 10 سنين و عمل اتفاقيه سلام مع الصهاينه .!! اللي مصر كانت اكبر بلد حاربتهم .. اللي مصر كانت اكتر بلد ضاع منها رجاله و شباب زي الورد في الحروب ضدها .!!

اتضحك علينا بعد اتفاقيه السلام لما العرب قاطعونا .!! ماهو لازم يقاطعونا مش احنا مصر ام الدنيا .!! اكبر بلد حاربت اسرائيل و اللي كانت دايما متصدره الحروب ضدها .!! عاوزين ايه لما الأم تنام ؟؟؟؟ اكيد ولادها هايناموا زيها .!!

سنه 79 كانت اتفاقيه السلام بين مصر و اسرائيل ..!
سنه 84 كانت سنه فك الارتباط بين الاردن و الضفه الغربيه .!!
يعني احنا ابتدينا الهبل و الدول اخدتنا حدوه ليها في الهبل .!!!!

اتضحك علينا لما قالوا انـفـتـــــاح ..! وهيا اصلا كانت تبعيه .!! و بس .. مخدناش من الانفتاح الا ان الشباب ساب البلد و الاراضي الزراعيه اتجرفت و بقينا نستورد قطن من بره .!! علشان احنا جوا .!!!!

واتـقـتل السادات .!! اتقتل يوم ذكري حرب اكتوبر المجيده اللي بعديها ب 6 سنين خلاها حرب اكتوبر العقيمه .!!

و اتضحك علينا تــــالت لما الرئـــــــــيـس حسني مبارك طلع في مجلس الشعب و قالك : ( نحن حريصون جدا علي تداول السلطه وانا لن استمر في حكم مصر اكتر من فترتين , و نحن حريصون علي ارساء قواعد الديموقراطيه في مصر بلد الامن و الامان ).!!!!!

طب هوا كان يقصد بتداول السلطه دي ايــه ؟؟!!! قصده يعني تداولها من ايده اليمين لأيده الشمال .!!

و كان يقصد ايه بقصه انه لن يستمر بحكم مصر لاكتر من فترتين ؟؟؟؟؟ مع انه مشرف معانا بقالو 30 سنه يعني خمس فترات و السادسه يا هوا يا ابنه .!!!!
ولا كان قصده فترتين واحده صباحي و التانيه مسائي زي التعليم .. اللي باظ .!!

بلاااش دول .. كان يقصد اييه بقي لما قالك ارساء قواعد الديموقراطيه.!! مع ان احنا مش بنشوف الا نوعين بس من القواعد .!! قواعد امن مركزي علي كل مظاهره مع زياده في نسبه التعذيب من قبل جهاز ارهاب الدوله .!! او قواعد امريكيه علي الحدود عندنا .. جوا بلدنا يعني .!!

اتضحك علينا كمان لما قالوا انه يتم دراسه قانون ارهاب ليأتي بدلا من قانون الطواريء .., و احنا بقالنا 30 سنه لسه لحد دلوقتي ماشوفناش المخفي علي عينه قانون الارهاب .!!
ازاي رجاله و مثقفين و مفكرين و قاده الحزب الحاكم مش عارفين يوجدوا بديل لحد دلوقتي ؟؟؟؟ ولا هوا علشان تحموا كرسي الرئاسه ؟؟؟؟؟؟ اااااه عرفت انا بقي ليه مفيش قانون ارهاب .!! ااااه يا ولاد التيييييت .!!

اتضحك علينا برضو لما تكون خمس فترات رئاسه ب خمسه و عشرين سنه و احنا في التلاتين اهو.. و كل مره يحصل فيها انتخابات تتطلع النتيجه 99,9 % .!!!!!!

و طبعا مش هاقول احنا اتضحك علينا و اخدنا علي قفانا اد ايه في موضوع فلسطين .!! و الناس عارفين .!! بس نايمين .!!

اتضحك علينا لما استقبلنا وزيره الخارجيه الاسرائيليه السابقه تسيبي ليفني و كان الغرض الحيقيقي من قدومها لمصر , اعطاء الاوامر بغلق معبر رفح علي غزه علشان في خناقه كبيره هتقوم .!! بس للأسف مكانتش خناقه .. دي كانت مجزره في حق شعب محاصر .!!

اتضحك علينا في الاعلام الحكومي لما يطلعلنا وزير خارجيه يقول ان حركه حماس بتنفذ مخطط ايراني وذلك لغرض في نفس ايران انها عاوزه ليها دور اقليمي في المنطقه .!!!!! ايــه سـفـن ايــه وش .!!

بصراحه عالم بجحه .!! يعني لا عاوزين اي بلد يبقي ليها دور اقليمي ولا عاوزين بلدنا يبقي ليها دور اقليمي .!! مع ان الدور السادس احلي بكتير و بحري .!!
عاوزه دور اقليمي يا حكومه ؟؟؟ اقفلي السفاره الاسرائيليه مثلا ولا اطردي السفير الاسرائيلي ولا حتي اقطعي العلاقات الدبلوماسيه مع اسرائيل وافتحي معبر رفح خلي اخواتنا في غزه يتنفسوا شويه .!! ولا انتي يا حكومه فالحه ف قطع علاقتك بالشعب .. والحق .. والعدل .!!

في الحقيقه يا جماعه احنا شـــعــب اتضـحـك عليه بما فيه الــــكــفـــايـــه .!!

لأ ولسه الحكومه و نظامها الفاسد عاوزين يضحكوا علينا الضحكه الكبيره لما ينـفـذوا مخطط الهروب الكبير( الخروج الآمن ) و مخطط الــتـــوريــث .!!!!!

هي معادله بسيطه جدا :-

حكومه فاسده بتألـش علي شعب غلبان..
اكيد هايخرج لنا خطه مش منطقيه.. ماتخرش الميه .!!
دخلهم يا حسين .!!

و لـلـرغـي بـقـيـه .

الدوله و الاسلام .. و الالحاد

مش عارف ابتدي الموضوع منين ؟؟ من هنا و لا من اول الشارع .!! اصل انا كنت نسيت المدونه , بس اللي خلاني اكتب تاني قصه الملحدين و موضه الألحاد اللي انتشرت بين الشباب الحلو .!!

يعني ايه ملحد ؟؟؟؟؟ في رأيي يعني شخصيه هابله .!! تاهت في اعماق التفكير عن اصول الحياه و مدي الفكره و ان العقل يتيح للانسان انه يفكر في اي هبل ..... شخصيه مش مقتنعه بوجود ربنا .. الله .. خالق البشر و خالق الحياه , الدنيا , الأخره .
ممكن اكون نسيت كلام بس دا اللي فاكره دلوقتي .!!

الملحد في نظري مقتنع ان اللي خلقه و العياذ بالله .. هو عقله او انه اتخلق من فكرته هوا ...... ماتفهمش ايه بالظبط اهو اي هبل بيتقال .
بس اللي قادر اني احدده انهم معترفين بعدم وجود ربنا و الكلام دا من ناس انا قابلتهم ولاقيتهم بيقولوا كل حاجه ممكن ومش ممكن و احتمال و العقل و الكبد و السكر و ألـش السنيين ...

ما علينا لأني مش بحب اعملهم حيز في دماغي , ندخل في نقطه الدوله و الاسلام و رأي الملحدين في الدوله .. اللي علي مزاجهم .

لما ربنا انزل الاسلام علي سيدنا محمد صلي الله عليه و سلم .., ونزل القرآن الكريم , مكانش نازل علشان انه الكتاب السماوي الخاص بالديانه الجديده و خلاص .!! القرآن _ الكتاب السماوي غير المحرف_ نزل بهدف تصحيح صوره الحياه الانسانيه لدي البشر اولأ ..بمعني
ان اخر الديانات السماويه _الاسلام _ هو المنهج السليم للحياه و التنظيم الاساسي لأمور البشر الحياتيه في جميع المجالات .

يعني القرآن موجود فيه : شكل حياه البشر السليمه - شكل الدوله السليمه الصحيحه - المعني الاساسي للحريه - الدلائل علي وجود ربنا - الشكل الصحيح للايمان بالله - الطرق الاساسيه لعباده الله - الدلائل الكـــثـــيـــره عن احتــــــرام الطوائف و الفئات الاخري (غير المسلمين وعدم المساس بهم - المرأه و حقوقها - الرجل و حقوقه ) .

وحاجات تانيه كتير موجوده في القرآن بس اللي ذكرته ده هوا الجزء المخصص و المعني بالمقاله دي .!!

1- شكل حياه البشر :
يعني مثلا الزواج , هو تزاوج رجل ما من امرأه ما .. يعني مش شغل شواذ و العياذ بالله , راجل مع راجل و ست مع ست و الكلام اللي انا و انتوا عارفينه .!! مايجيش بقي واحد ملحد مشكوك في اساسه يقولنا انه عادي موضوع الشواذ دا و ان دي حريه و محدش ليه دعوه و ان ربنا هوا اللي هايحاسبنا .!! لأ في دي بقي لأ .!! القرآن وهو المشرع الرئيسي و الاساسي للحياه مش موجود فيه الكلام دا , بس موجود فيه عقوبه اللواط .!! دا اللي احنا عارفينه . وموجود فيه معني الحريه السليم مش المعني اللي يبيح اي حاجه مهما كانت .. دي مش حريه يا جماعه . مش في نظري .. دا القرآن بيقول كدا .

2- شكل الدوله السليمه :
اول حاجه كدا انا اؤيد فكره الدوله الاسلاميه .!! الدوله الاسلاميه السليمه الصحيحه اللي كانت موجوده ايام سيدنا محمد صلي الله عليه و سلم و ايام خلفاؤه الراشدين .
دي كانت دوله اسلاميه سليمه بتنفذ القرآن بالحرف الواحد دون التحريف في اساليب الحكم او المساس بأي طائفه او فئه او أقليه.. مثل ما جاء بالاسلام و القرآن وما اقره الله سبحانه و تعالي علي البشر اجمعين .

الاسلام ينفي و يحرم المساس و اعمال الاذي و الحاق الضرر بالفئات و الطوائف و الاقليات المقيمه علي اراضي الدوله الاسلاميه طالما ينفذون قوانينها .. اللي هيا قوانين الاسلام .. اخر الديانات السماويه .. دين الله سبحانه و تعالي .

الاسلام ضمن حمايه غير المسلمين و اقرها علي المسلمين , و نجحت الدوله الاسلاميه فعلا و نجحت في تطبيق شريعه ربنا و حمايه الطوائف و الاقليات الاخري و نجحت في التعايش مابينهم ... و ازدهرت الدوله الاسلاميه و اتسعت اراضيها بفضل الله سبحانه و تعالي
و بتنفيذ الشريعه الاسلاميه دون التحفظ او التعصب او الاخلال بها.

نيجي بئا للكلام المفيد ..: المعروف طبعا ان بعد مقتل علي ابن ابي طالب رضي الله عنه , ابتدت الدوله الاسلاميه تخرج عن اساسها و كان في سنوات ضعف و سنوات قوه و ايمان بس دا مكانش بسبب الدين او وجود اخطاء بالعقيده الاسلاميه لا سمح الله ,, انما كان نتيجه لوجود اخطاء و سلبيات و ضعف ايمان بالقائمين علي الدوله الاسلاميه وليس بالاسلام , يعني اخطاء بشر و ليس اخطاء في الدين الاسلامي .

مايجيش بقي واحد علماني و لا ملحد يشكك في الاسلام و في سبب وجوده و يقوللي الاسلام دا دين بس و مالوش علاقه بالدوله و السياسه , وان الايمان في القلب فقط ... اه ماحنا عارفين ان الايمان في القلب بس برضو الدين و خاصه الدين الاسلامي موضوع النقاش ليه علاقه كبيره بالدوله ...... اصل لو مكانش ليه علاقه مكانش هايبقي فيه دوله اسلاميه في الاول من اساسه .!! ولا اييييييه ؟؟؟؟!!

الدوله المدنيه المصريه حاجه و الدوله المصريه العلمانيه حاجه تانيه خاااالص :
نتكلم بقي عن الواقع و واقعنا دلوقتي بيقول انه فعلا مفيش علي الساحه العامه المصريه ناس بتنفذ الشريعه الاسلاميه السليمه علشان نخليهم قاده لدولتنا و نقيم الدوله الاسلاميه .. الدوله الاسلاميه عمرها ما هتقوم بثوره ناس ايمانهم بالله ضعيف .

واقعنا بيقول انه احنا في دوله بتحكم بالقانون و الدستور .. ماشي ياعم مش هتكلم ف النقطه دي .. بس ماتجيش تقوللي مفيش حاجه اسمها حرام و حلال ..! اقولك ايه سفن ايه علي طول .!!

العلمانيين و الملحدين في نظري متفقين في موضوع المواطنه , يعني بالنسبه لهم عادي كيك ان يبقي في ف وسطنا ناس ملحده و ناس شواذ و سحاقيات و اهو كله زي بعضه .!! لأ بئاااا كله مش زي بعضه و مفيش حاجه اسمها ان محكمه تجوز اتنين رجاله او اتنين ستات من بعض و تقوللي حريه شخصيه و حريه اعتقاد .!!!!!!!! اقولك انا ساعتها تييييييييييييت .!!!!

هتقوللي حريه هقولك ربنا راضي عن الحريه دي ؟؟؟؟؟ ازاي ؟؟؟؟؟ ماهو ربنا اكد علي تحريم الحاجات المقرفه دي يبقي ازاي تقوللي حريه .!!! اذا كانت دي حريه في نظرهم , ف دي اسمها المعني الخاطيء للحريه .

وبعدين الدول العلمانيه اللي الملحدين و العلمانيين بيفتخروا بيها , دخلت و خاضت و اتسببت في حروب علي اسس دينيه .!! امريكا مثلا , حد يقدر ينكر انها دخلت في حروب علي اسس دينيه !!! حد يقدر ينكر انها متحيزه جدا لاسرائيل و هي دوله احتلال قائمه علي اغتصاب اراضي الغير و قايمه بدستور متطرف و ان المتطرفين اليهود هما المتحكمين فيها هما و الصهاينه الملعونين !!!! حد يقدر يقولي ان الدول الغربيه العلمانيه دي مافيهاش تطرف ديني و عنصري ضد الاسلام و المسلمين مع ان هما اقليه و ليس لهم تأثير !!!

الرجاله اللي اسمهم بس رجاله المؤمنين بالعلمانيه و الاشتراكيه و الرأسماليه و جميع الايديولوجيات الاخري و متحيزين ليها بطريقه مستفزه احب اقول لهم حاجه واحده بس :::: ازاي انتا مؤمن و مقتنع بفكر اسسه واحد من البشر , مع ان الاسلام منزل من عند الله سبحانه و تعالي ؟؟؟؟؟؟؟ ازاي بئااااا ؟؟؟؟؟؟ هل الايديولوجيات دي احسن من الاسلام يعني ؟؟؟؟؟؟
احب اقولهم احنا في مصر و العالم العربي _مسلمين و مسيحيين_ عايشين في وسط مجتمعات ذات طابع قائم علي التقاليد و العادات الشرقيه , فا متجيش تقوللي بقي الحاد و علمانيه و ألـش رخيص علشان انتا و انا و كلنا و كلهم عارفين ان الناس البسيطه عمرها ما هترضي بالهبل اللي في دماغكوا .!!

حـــــاجــه اخــيــره كاتمها من بدري : حاول تقرب من ربنا .. ربنا اللي انتوا شككتوا في وجوده يمكن يغفرلك و اكيد هايغفرلك اذا كانت التوبه سليمه و انه مفيش هبل تاني و خرافات زايفه مبنيه علي كلام فارغ

ربنا يتوب عليا و عليكوا .