على ناصية الحق

- مقتطفات من خِطاب مؤجّل -

- "على ناصية الحق نقِفُ دائماً .. فلا نرى إلا إيّانا .. ولا مكانِ لأحد سِوانا ... 
فبين وقتنا هذا وآخر مرةِ نظرنا فيها بداخلنا القبيح ... عُمر مديد 
وقد إمتنعنا عن ذلك .. عن مُحاسبة أنفُسِنا .. مادام هناك من يَمثُل أمامنا.!
مادام هناك آخرِ.."

- "كان لُقياناَ بمثابة العودة إلى الجَنة .. سيرنا سَوِيّاً وكان الطريق مُوحِش مُقفِر ... يتكالبُ علينا الحمقى و قوانينهِم .... أتعبتنا سُنَن الدُنيا .. -عن حَقِِ و بغَيرِ حَق- أتعبتنا الدنيا كثيراً يا داخلنا القبيح الحزين..."

- "إستَوطن الأذى فَوق رؤوسنا .. تألمنّا كثيراً و أختلفت الأوجاع علينا .. من تفَوُق الجَهلِ والعَتمة ... فكيف ننتصر لداخلنا القبيح المهزوم في حيواتِِ سابقة؟ فَتِش عن حلقَةِِ تتَسِم بالضعف إذن! و دُقّ عُنُق كُل من كان يؤمِنُ بجسارة المحبة...! حتماً سيضحَكُ المَسخ .. إنها نَشوَةُ الإنتصار"  

- "سيَقفُ الجميع على ناصية الحق! وقوف من ظَلموا ومن ظُلِموا ...  وقوف المَسخ والقبيح ... يأتي الدور على من يشتهي.. والأولوية لمن صاغ الخطاب بحِرفَة وإتقان! خِطابُ الحق ...! 
يعود القبيح إلى مسكَنُه ويرضى المَسخِ بما كُتِبَ له من نصيب ..." 

*مادام كل شيء يمضي*

محدش هايسامح ربنا

قبل أي شيء لازم نحط معيار واحد ونقيس عليه كل المواقف والأفعال .. حتى لو ده فيه إنعدام للعدالة  

المفروض نمشي بمبدأ إن ربنا هوا اللي محدد موقف كل واحد فينا و نيتُه و فعلُه ... وإن هوا اللي هايحاسبنا والمفروض إن لا إحنا قرايبُه ولا هوا قريبنا عشان يسامحنا أو نسامحُه .... ولو إفترضنا إن ربنا هايسامح البشر فالبشر مش هايسامحوا ربنا عاللي إتعمل فيهُم ......

 محدش هايسامح ربنا عشان البشر مش بينسوا أي حاجة ...... وعشان محدش بيبقى مصّفي نيتُه ناحية الناس والكلام والأفعال ..... عشان محدش بيتعب دماغه عشان حد ..... عشان محدش شايف إنه سبب ضرر لحد .... عشان محدش مسامح في أي حاجة حصلت والناس بتعند أكتر مما ينبغي ....عشان إحنا مايملاش عنينا إلا التراب ..... عشان كل الناس طمّاعة ..... عشان الشعور بالإنتصار دلوقتي بقى بيتقاس بمين كاسر عين مين ومين ماسك ذِلة على مين .... عشان في وسط ما إيدينا ملطوطة في الدم, بنمارس هوايتنا المُفضلة في التأكيد على إننا قديسين وملائكة .... عشان كل الضغوط اللي فرضت نفسها مرة واحدة .... محدش هايسامح ربنا .

محدش هايسامح ربنا عشان فيه ناس كتير إتظلمت وناس كتير حاولوا يساعدوا الناس اللي إتظلمت وإتظلموا هما كمان وعشان فيه ناس إستغلوا نقاط ضعف الناس اللي إتظلمت .... وعشان فيه ناس ما ظلمتش حد في حياتها أد ما ظلمت نفسها . 

إحنا كبشر هنحاول بكل الطرق إنه يبان علينا الرحمة والشقفة تجاه كل الأشياء وإحنا من جوانا مبيّتين النية على إننا مانغفرش لحد أي حاجة .... عشان إحنا معاييرنا مختلفة ومش متوازنة .... عشان إحنا مش بنحتكر ميزان سليم لكل الأشياء ..... عشان إحنا شوفنا الظلم وسكتنا .... عشان إحنا فضّلنا الحرب على الإستسلام .... عشان المعركة كان المفروض لها تبقى متكافئة ..... عشان فيه ناس إستحملت وفيه ناس لأ ..... محدش هايسامح ربنا .

عودة تنّين التدوين

- مبدئياً كدا أنا هرجع أستغل المساحة الفاضية اللي هنا وهكتب عن مجموعة حاجات ملهاش علاقة ببعض وليكم مطلق الحرية في إعتقاد أي شيء . إحنا مش ها نسجن أفكار بعض :)

- حقيقة الأمر إن أنا بقالي كتير ماكتبتش ع المدونة وكل شوية أعمل فيها مُدَون و أقول لنفسي "خش إكتب أي شُخاخ" بس مش بيجيلي قلب أخش أكتب حتى وإن كانت الكتابة بغرض الخوض في أي شُخاخ .. سواء شُخاخ ع المستوى الشخصي أو شُخاخ ع المستوى الجماعي. بس اللي خلاني أرجع أكتب هوا إني محتاج أشارك في الترجيع الجماعي اللي حاصل. 


- مصر :
لازم طبعاً لما نرجع نكتب و ندون و نشخ سياسة .. ماننكرش حقيقة إن خراها هايبقى أد الدنيا والناس كلها هتتعاص -أو هيا فعلياً متعاصة-  في نفس ذات الخرا اللي تضخم و خرج من مؤخرة العديد ممن جاءوا على رأس السلطة. و ده طبعاً بمساعدة الأغبيا ولاد الكلب اللي شافوا إمكانية وجود مجال سياسي في ظل هذه الخرتئه الجماعية اللي إبتدت ملامحها تظهر في الأُفق... كان فيه مؤشرين هما اللي أكدوا حقيقة الخرتئه اللي بتتعمل.المؤشر الأول كان ميدانياً و ده حصل مع بداية فض إعتصام من تبقوا في الميدان بعد رحيل مبارك. المؤشر التاني كان إجرائياً و ده حصل مع إستفتاء 19 مارس. واللي من بداية الدعوة والحشد ليه, أكد إن الجيش و الإخوان وأقطاب الفلول المتبقيين كانوا بيدعموا الإتجاه القائل بالتصويت على الإجراء الديمقراطي ده بـ "نعم". وده طبعاً غير الدعم الموجه للحشد الطائفي وإسهال التنظيرات الدينية والدولتية اللي تلخصوا في شعارين هما "عايزين يلغوا المادة التانية" و "عاوزين يهدوا الدولة والمؤسسات".......... هنا إبتدت الخرتئه الحقيقية ... و هنا كانت أول بذرة لكل الخرا اللي إحنا عايشين فيه دلوقتي ....


- صعبانيات السوشيال ميديا :
المُحن خرئنا يا دادة و أنا زعلان يا ثورة ...... هاشتاج #إغضب_يا_شعب #يا_أهالينا_ضموا_علينا #زولم #مليونية.  
الخرطوشة جت في عيني الشمال وأنا بتويت بالعين التانية .. ريتويت بغباء.
علّي في سور الهري و علّي .. بكرة المُحن يقوم ما يخلي. #تويتات_مُعلبة 
انا عايزة أسمع فيروز بس البُن خِلص #تويتة_مدفوعة_الأجر 
أنصار بيت السحيمي بعتولي أنا بس فيديو لأخر عملياتهم الإرهابية عشان أنا واد فشيخ أصلي واللي في قلبي على بتاعي .... ولو مش مصدقين يبقى إنتوا شوية عيال أخركم المزايدة عليا #تويت_كأنك_أول_واحد_تيجي_هنا 
أنا في الصفوف الأمامية مع الجدعان و المجهولين ... خلي بالكم من الأمنجية اللي في وسطينا #شير_للأهمية.
أنا رايح النيابة عشان الشباب المقبوض عليهم .... #فين_الطبلة #ركبوني_مُرجيحتي. 
نفسي أمشي في الشارع واللي يعاكسني أقول له #كسي_مش_مسبة بس لو هتتشرمط معايا بأدب يبقى أنت شاب جاحد خيال. 
أبو رجل مسلوخة طلعلي في الحلم و شخر لي #مرار_طافح
ده تاني عيد عُمال يعدي علينا و جوزي مايجبش المنجل والمطرقة اللي العيال بيحبوهم .... #الثورة_العمالية_قادمة 
عاجل: #التويكنز اللي معانا خلص والإصابات بتزيد #عايزين_شاش_و_هوهوز #ريتويت عشان انا قلبي بيتقطع #وجع #ألم 
#شير_للأهمية ماحدش يعدي من قدام سيتي ستارز عشان في عيال واقفة هناك ومعاها جماجم وحاجات بتهاجم ... #كماشة 
إنت عيل Last Seen !! #الأبلكيشن_فشخنا .


- الفن والطبقية : 
أحمد عدوية لما ظهر وأبدع في غناه تمت محاربته لحد ما الزمن لف وبقى أحمد عدوية ملك الأغنية الشعبية وتم إقراره و قبوله. بالظبط زي ما كان رمضان البرنس وعبدالباسط حمودة وحسن الأسمر بيتقال عليهم جرابيع والشمامين و سواقين الميكروباصات هما اللي بيسمعوهم, وبرضو الزمن لف و بقى كل واحد منهم بيتقال عليه انه نجم بجد وأفنى عمره للفن الشعبي الأصيل . دلوقتي اللي بيتقال إن أغاني المهرجانات دي بيئة وتسول وإشلاف.. وبقى يتقال على اللون ده من الغنا في الإعلام الرأسمالي "أغنية التوكتوك والعشوائيات" ..... إنما الأغاني الشعبي الأصيلة هيا بتاعت حسن الأسمر و عبدالباسط حمودة وطارق الشيخ.... والمهرجانات دي قرف مش غنا أصلاً..... مع إنك لما تيجي "دلوقتي" وتقارن عبد الباسط حمودة بمحمود العمدة اللي غنى مهرجان "الدنيا شمال" هتلاقي إن إحساس الواد الصغير وإرتباطه بالكلمات  أعلى و أوضح من إرتباط عبدالباسط حمودة بالكلمات أو بمعنى الأغنية الحقيقي .... وده في نظري سببُه إن الواد الصغير ماتأثرش بخراء الواقع مثلما تأثر عبدالباسط فهتلاقي إن رد فعله وهوا بيغني أصدق من رد فعل عبدالباسط حمودة وهوا بيغني.. وده في نظري يعني ومحدش مُجبر إنه يمشي وراه عشان اللي يمشي ورا العيال الصغيرة مايخلاش م الكراريس..! 


- رقص الهوانم : 
رقص الهوانم تراك شرقي لفرقة مصرية إسمها "الدور الأول", مزيكتُه اللي من غير كلمات بتشرح يعني إيه "حُرمة" أو "هانم" ترقص رقص حزين ... وبتشرح إيه هوا حُزن الهوانم .... ودي حقيقة .. بس مهرجان "الدنيا شمال" هوا اللي فعلاً يخلي أي "حُرمة" أو أي "هانم" إنها ترقص نفس الرقص الحزين مع إضافة إن الوِسط هيلاقي الطبلة اللي ترقصُه رقص حزين فعلاً .. في كل نزلة وطلعة. وده غير طبعاً الكلمات ومضمون الحوار اللي هوا فعلاً من كُتر الحزن بقى إسود سواد مُخيف.
ياريت تسمعوه :) 


- دفاعاً عن مصطلح "شمال" :  
مصطلح "شمال" إنتشر في الآونة الأخيرة وأخد شكل الإتجاه العام بإنه يكون مصطلح بيعبر بالأساس عن كل شيء طفش و مُزيف . بس الخرا الذكوري لخّص إستخدام المصطلح على البنات أو الستات "المش محترمين" وإختزل مفهوم الخطأ في إنه دائماً و دوماً بيطلع من "المرأة" أو "جنس الحريم" زي ما بيتقال برضو ...و إنهم لازم يتربوا ويتكسر عينيهُم ..... حقيقة الأمر إن المُصطلح بريء من ذكورية مجتمعنا إبن العرص . لإنه بيصف بالأساس كل فعل عايب وكل فعل مش "تمام"  وكل حاجة مُزيفة .... أياً كان الفعل الخرائي ده بقى طالع من راجل أو ست ... المباديء مابتتجزأش ....



**عودة تنّين التدوين .. #تدوين_حُر : 
التدوينة دي تعتبر أول كتابة ليا من سنة إلا إسبوع -تاريخ آخر تدوينة كان في 18 فبراير 2013- وأنا مش حابب إن كل التدوينة تبقى بتحكي في سياق واحد أو عن حوار واحد .... أنا كتبتها بالشكل ده عشان أنا حُر .. وأنا شايف إن كدا شكلها أحلى :)) و لو حد زعل أو إتحمق بسبب أي كلام في التدوينة دي ياريت مايفتحش المدونة دي تاني عشان هيبقى أريح لك و أريح لي :)) ومتأفورش في حمقتك زيادة عشان هيا ديك أم مدونة تخصني أنا ماتخصكش إنت أو إنتي أو كلكُم. وده طبعاً غير إعترافي بإن التدوينة هي رد فعل هزلي عن اللي بشوفه .. يعني مش جايب المحتوى من بيتنا :) 

عن فرنة العيش اللي فـ شارعنا

من قبل الثورة ومشهد طابور العيش اللي في شارعنا هو اول مشهد جمعي للمواطنين بشوفه كل يوم الصبح لما بنزل من بيتنا.. مشهد مؤلم جدا و عبثي اكتر لما تشوف الناس واقفة و مذنبة نفسها في طابور عشان مايطلق عليه انه رغيف عيش بلدي..

يوم 20 يناير2011 وبعد انتشار الدعوات للنزول احتجاجا علي سياسات نظام مبارك, قررت اني انزل اكتب علي الحيطان في الشارع عشان الناس تستجيب للنزول يوم 25 يناير.. و حقيقة الامر محدش كان عنده اي شعور بإن الناس هتستجيب للدعوات دي لأننا كنا متعودين ان اي مظاهرة هتبقي 40 او 50 واحد و واحدة .. هيتقبض علي نصهم و النص التاني هيتضرب في الشارع..

المهم لما جيت افكر "انا هنزل اكتب ايه" معرفتش الاقي حاجه محدد اكتب عنها و في نفس الوقت الناس تشوفها فتغضب فتقرر انها تنزل و تشارك اعتراضا علي كل انواع و اشكال المهانة اللي بنعيشها..
احترت اكتب عن التعذيب في اقسام الشرطة ولا التوريث ولا انتخابات مجلس الشعب المزورة ولا حقوق العمال ولا البطالة ولا الصحة ولا ايه.. كل ده حقيقي بس كلام في العموم ومش محدد.

المنطقة كمان عندنا "محافظة" شوية ومش واخدين علي اشكال الاحتجاج بالكتابة او بمعني ادق "التحريض بالكتابة" و انا شايف انها تحريض بالكتابة عشان انا كنت عاوز اكتب اي حاجه أحرض بيها الناس علي النزول و المشاركة.. بعد كدا قررت ان الي هكتبه لازم يبقي بيلامس الواقع اليومي مش للمواطن المصري في المطلق ولكن بيلامس اهالي المنطقة بشكل خاص.. طب ايه اكتر شيء ملامس و بيعبر عن واقعهم اليومي غير فرنة العيش و الكشك التابع ليها.. 

نزلت م البيت الساعة 5 الفجر عشان الناس او اللي بيقفوا في طابور العيش بيبدأوا يتجمعوا عند الفرنة من بداية الساعة 05:30 لـ 06:00 عشان يعرفوا يلحقوا مكان في الطابور.. المهم نزلت الساعة 5 و جيت قدام الكشك اللي بيوزع العيش و قمت كاتب..

( الحرية و الرغيف مطلب كل المصريين )

***
يوم 25 يناير .. الناس نزلت.. قامت الثورة.. الجيش نزل.. تنحي مبارك.. مسك العسكر.. و اخيرا سلموها للإخوان..! 


النهارده و بعد سنتين من قيام الثورة.. لسه مشهد طابور العيش زي ما هوا.. لسه الناس حزينة و مكتئبة و مكملة في احباطها 
لسه الناس غير راضيين عن الاوضاع بشكل عام
لسه الرغيف زي ماهوا و لسه المهانة زي ما هيا
نفسي في مرة انزل الشارع الاقي مفيش طابور عيش,, الاقي الكشك متولع فيه,, نفسي الاقي الناس قررت انها تحط حد لكل المهازل العبثية اللي بيعيشوها و بيشوفوها و ساكتين عليها...

***
إزدواجية التفكير..

الطريق .. اي طريق او شارع عمومي - رئيسي في مصر لما بيبقي مقطوع عشان فيه احتجاجات.. ايا كان ايه هيا الاحتجاجات دي.. الناس بتلعن في الثورة و اللي عملوها و اللي مكملين فيها..

الطريق لما بيبقي زحمة فشخ و مش بيتحرك.. الناس بتبقي متقبلة ده عادي جدا ومش بتلعن في النظام..

الناس بتتسرق من ايام مبارك وما قبل مبارك ولحد دلوقتي -في ظل تحكم الاخوان- لسه الناس بتتسرق..
لما بقول الكلمة دي لأي حد من مدمني الاستقرار و متابعة الثورة تليفزيونيا.. يرد عليا بصدر مفتوح ويقول .. بس ايام مبارك كنا بنتسرق اه بس عايشين.. كنا بنتسرق اه بس محدش كان حاسس بالسرقة :))

و كلامه ده مبني علي ان قبل الثورة كانت "مصالح الناس ماشية" ومفيش مشاكل "احتجاجات او اعتصامات" , بس للأسف و دي الحقيقة ان كان فيه فعلا احتجاجات و اعتصامات في غالبها كانت عمالية , بس اعلام النظام المباركي مكنش بيجيب ان فيه مظاهر احتجاج في الشارع المصري و الناس كانت فاهمة ان الدنيا ماشية فل..
 و الكل عارف ان قبل الثورة كانت شوارع مجلس الوزرا ومجلس الشعب و القصر العيني مليانين بعمال المصانع و الشركات.. منهم اللي كانوا معتصمين عشان قرارات البيع و التصفية ومنهم اللي كانوا معتصمين عشان مقبضوش رواتبهم بقالهم شهور.

لسه الوضع زي ماهوا.. لسه الشركات و المصانع بتتباع و العمال بيتم طردهم 
لسه في عمال كتير ماخدوش حقوقهم المشروعة و اللي أقلها الحصول علي رواتبهم. و المفروض انهم يعملوا انتاج و يشتغلوا و ينسوا او يتناسوا حقوقهم..
لسه النظام ماشي بسياسة التجويع مع الناس.

اتعلمنا من كل اللي حاصل ده ان مفيش فرق بين رأسمالي بسيجار (نظام مبارك) و رأسمالي بسبحة (نظام مرسي الاخوان) 
*******

لو كاتم غضبك عشان حاسس ان فيه أمل.. او حاسس ان الامور هتتظبط.. او حاسس ان فعلا في "مؤسسات" بتقوم بدورها بس عاوزة شوية صبر.. تبقي غلطان و يبقي مضحوك عليك اوانت موافق تماما ان يبقي مضحوك عليك.. وزي ما كان مبارك بيضحك علينا بالامن القومي .. الإخوان دلوقتي بيضحكوا علينا بالشريعة و كلمة الله العليا..

نظام (مبارك) لو كان اصلا نظام فهو كان قائم علي دواير تحالفات رجال أعمال بيدوروا في فلك الحزب الوطني.
نظام (مرسي - الاخوان) لو كان اصلا نظام فهو قائم برضو علي دواير تحالفات رجال اعمال بيدوروا في فلك الجماعة.

يعني قبل الثورة كان فيه حيتان زي (احمد عز - احمد نظيف - محمد رشيد - جمال مبارك - المغربي ) و أمثالهم..
بعد الثورة ظهرت حيتان جديدة زي ( خيرت الشاطر - حسن مالك - محمود غزلان - مدحت الحداد) و إمثالهم..

يعني كل اللي حصل عشان السبوبة الكبيرة تفضل مستمرة.. الحيتان القديمة دخلت السجن, و فلوسها برة شغال..
و الحيتان الجديدة خرجت من السجن عشان تكمل المسيرة.. مع العلم ان الحيتان الجديدة عملوا رأسمالهم وهما جوا السجن..!
وكل ده طبعا برعاية العسكر-المؤسسة العسكرية-الجيش.. ايد واحدة
ليه العسكر ملطوطين هما كمان.. عشان بحسب رأس المال و المصالح, المؤسسة العسكرية تعتبر حــوت كبير و ليه وزنه علي الساحة أو دواير تحالفات راس المال

كل الكلاب المسعورة دي بتنهش في لحم البني آدمين .. اللي هما احنا

*****
خلاصة القول : 
ماتلومش الثورة علي حاجه الا لما تحقق اهدافها الاول
لسه مشهد طابور العيش زي ماهوا.. ولسه كلنا بنتسرق..

شهادتي عن حادث قطار البدرشين

 الساعة 12 الصبح كنت فاتح الفيس بوك وعرفت ان فيه حادث قطار في البدرشين و كان محمل بالمجندين، قررت اني اتوجه  لمكان الحادث، وبالفعل رحت البدرشين حوالي الساعة 2 صباحا و كان المشهد كالآتي: 

وصلت مكان الحادث عند اخر عربيتين اللى انفصلوا عن القطار، كان فى اعداد غفيرة من المجندين اللي نجوا من الحادث واللي غضبانين علي اصحابهم اللي فقدوهم في عدة ثواني ومش عارفين يعملوا ايه، يعتصموا في مكان الحادث ولا يسمعوا كلام القيادات الامنية اللي بتطالبهم بكل الطرق انهم يمشوا ومايعملوش تجمهر و اعتصام، وأنه "حقكم مش هيجي هنا". مجموعة من المجندين – اعمارهم تتراوح ما بين 19  ل 22 سنة -  كانوا مذهولين من اللي بيحصل وكان مشهدهم وهما بيبكوا علي صحابهم من اصعب المشاهد اللي ممكن اكون شفتها ف حياتي، شباب زي الورد راح كدا في ثواني.

شوية و ابتدت اتوبيسات النقل العام توصل لمكان الحادث لنقل المجندين، واللي كان متوجه لهم تعليمات يقولوا لأي حد يسألهم انهم جنود امن مركزي مش تابعين للقوات المسلحة، ودا تأكدت منه لما وصلت لمستشفى البدرشين وقابلت مجموعة من المصابين، وأكدوا لي انهم تابعين للقوات المسلحة – الجيش – وهما لسه سامعين السلاح بتاعهم  وكانت رحلة القطار المميت دي هيا بداية حياتهم داخل الخدمة العسكرية. حسب شهادات مجموعة المجندين عرفت منهم انهم ركبوا القطار بالضرب والشتيمة عشان هيا دي العسكرية. لازم تتكدر عشان تبقي راجل.

مجند منهم  يدعى (ر. أ) قالي انه لما ركبوا القطار، كان عايز ينام شوية قبل ما يوصلوا،  فنام علي الارض بين كراسي القطار، عشان يوسع لأصحابه اللي كانوا محشورين فوق بعض من شدة التكدس في عربية القطار. قالي كمان انه فاق من النوم علي صوت العربية وهي بتترج جامد وصوت الحديد وهو بيخرج عن القضبان، فكلم المشرف عليهم بأنه في حاجه غريبة بتحصل في العربية وانه سائق القطار مزود السرعة، فالمشرف وبخه ومصدقش كلامه، بعد الموقف ده بربع ساعه – حسب شهادة المجند - العربية اللي كانوا راكبين فيها وعربية اخري انفصلوا عن بقية القطار، وبعدها هو محسش بحاجه إلا وهو في المستشفى ومصاب بجروح وكدمات في الرأس.

بعد كده روحت عند اول عربية فى القطار – اللى اصطدمت بقطار البضائع -  وهناك قابلت مجموعة من شباب اللى ساكنين فى مركز البدرشين، واللي كانوا اول ناس تواجدت في محيط الحادث واول ناس ساعدوا في اجلاء المصابين واشلاء الجثث حسب روايتهم، وديه مجموعة من شهادات عن الحادثة:-

شريف الشيخ (35 سنه): شاب من مركز البدرشين، قال انهم كانوا لوحدهم ومكانش في اي حد من اي جهة موجود ساعة الحادث وانهم استطاعوا في اجلاء جزء محدود من المصابين نظرا لصعوبة رفع عربات القطار اللي تحتها مصابين. مشهد اخر رواه شريف عن مصاب كان محاصر بين الارض وجزء من عربية قطار ومش عارفين يرفعوا حديد العربية عنه عشان يخرج من تحت وللأسف وهما بيرفعوا العربية، وقعت منهم علي المصاب وتوفي في نفس اللحظة .

حكاية عن شهيد اخر قال احمد عبد المغني (21 سنه) من شباب مركز البدرشين:  انه لما وصلت قوات الامن طلبوا منهم "كوريك" من اي عربية شرطة عشان يرفعوا ما تبقي من اجزاء القطار ولكن طلبهم "البسيط" و "الضروري" قوبل بالرفض و السكوت المخزي.

وانا واقف مع شباب المنطقة، شوفت مجموعة من عمال السكة الحديد ماشيين على القضبان بعربية صغيرة وبيقفوا كل شوية يصلحوا حاجات فى القضبان، الشباب أول ما شافوهم قالولي بص كل حادثة علي كدا، نلاقي بعد الحادثة علي طول عمال الصيانة بيشتغلوا عشان يداروا أي عيوب بالقضبان، فصورت عمال الصيانة.

وكان السؤال عندي، ازاي الناس دي بتعمل كدا وفي مكان الحادث كل قيادات مديرية امن الجيزة والنيابة العامة و الاخطر من ذلك هو وجود فريق المعامل الجنائية واللي كانوا اخر ناس وصلوا مكان الحادث. كل الرتب و القيادات الامنية دي موجودة  وعمال الصيانة بينسفوا الدلائل الجنائية بمكان الحادث، ومفيش اي حد قال لهم انتوا بتعملوا ايه؟!

واحنا واقفين كان في على نفس شريط القطار بس على قضبان موازية، 3 عربيات من قطار أخر متكسرين وواقفين مكانهم وزجاج الشبابيك متكسر على الأرض، ولما سألتهم ايه حكاية العربيات دول، قالولى ان ديه كانت حادثة تانية من 3 شهور ومحدش عمل حاجه ولا حد يعرف. وانه فى حوادث قطارات كتير بتحصل فى المنطقة عندهم، وهما بيطلبوا انه يكون في وحدة انقاذ سريع.

بعد كده الشباب دول دخلونى مستشفي البدرشين العام، ولما وصلت لغرف المصابين لاحظت تواجد افراد من النيابة العامة والنيابة العسكرية داخل غرف المصابين و بيحققوا معهم و بياخدوا اقوالهم عن الحادث، وكان المخزي ايضا نوع الرعاية المقدمة من المستشفى واللي هي اصلا مش موجودة.  فكان كل غرفة فيها حوالي ستة او ثمانية مصابين،  كل اتنين علي سرير ومرمي بجوارهم عيش ناشف وعلبة عصير او علبتين لكل مصاب. اكتر حاجه كانت وجعاني اني اشوف المصابين دول وهما شبه فاقدي الوعي ومطلوب منهم الإدلاء بأقوالهم و مطلوب برضه منهم "التركيز الشديد" عشان محدش يغلط اثناء التحقيقات.

http://eipr.org/blog/post/2013/01/17/1594

في الذكرى الأولى لمذبحة ماسبيرو: تقرير حقوقي يسرد جرائم المرحلة الانتقالية ضد الأقباط

في الذكرى الأولى لمذبحة ماسبيرو : تقرير حقوقي يسرد جرائم المرحلة الانتقالية ضد الأقباط، و المبادرة المصرية تدعو لإحالة أعضاء المجلس العسكري وقيادات الشرطة العسكرية للتحقيق والمحاكمة الجنائية.

أصدرت المبادرة المصرية للحقوق الشخصية اليوم تقريرها (الأقباط تحت حكم العسكر: وقائع عام ونصف من جرائم "المرحلة الانتقالية"). ويتضمن التقرير ـ الذي يصدر مع حلول الذكرى الأولى لمذبحة ماسبيرو في أكتوبر من العام الماضي - نتائج تحقيقات المبادرة المصرية في الجرائم المرتكبة ضد الأقباط خلال فترة تولي العسكر للسلطة التنفيذية، وخصوصا ذراعه الأمني المتمثل في الشرطة العسكرية، والتي كانت تقوم بدور الشرطة المدنية في حفظ الأمن وحماية مؤسسات الدولة.

وقال إسحق إبراهيم مسؤول ملف حرية الدين والمعتقد بالمبادرة المصرية ومعد التقرير: "بعد مرور عام كامل على مذبحة ماسبيرو، دماء الضحايا لم تجف ومازالت تلاحقنا وتسألنا عن أسباب عدم تقديم المحرضين الأصليين ومن أعطوا الأوامر للعدالة. من يوفر الحماية القانونية للمجرمين هو شريك لهم، ومن يتهاون في حق أكثر من 25 شهيد قتلوا بدماء باردة سيتهاون قطعا في الحفاظ على حقوق أكثر من 80 مليون مصري."

وطالبت المبادرة المصرية بإصدار قرار فوري بإحالة أعضاء المجلس الأعلى للقوات المسلحة وقيادات الشرطة العسكرية إلى التحقيق تمهيدا لمحاكمتهم جنائيا بشأن انتهاكات الحق في الحياة ووقائع الاعتداءات على الكنائس وجرائم القتل العمد والاعتداءات البدنية والإصابات الناتجة عن استخدام العنف في التعامل مع المتظاهرين وسوء استخدام السلطة.

كما طالبت المبادرة المصرية أيضا بإصدار تعليمات واضحة وصريحة لأعضاء النيابة العامة بتنفيذ صحيح القانون، وعدم قبول التصالح في وقائع الاعتداءات الطائفية، بما يضمن الحفاظ على حق الدولة وجبر الضرر لضحايا الاعتداءات.

يتضمن التقرير فصولا ثلاثة: الأول حول أحداث العنف الطائفي، لاسيما وقائع حرق وهدم الكنائس، والثاني يعرض للانتهاكات المباشرة للشرطة العسكرية وطريقة فضها للاحتجاجات المطالبة بحقوق الأقباط، ويقدم الفصل الثالث عرضا لكيفية رضوخ المجلس العسكري للمظاهرات الرافضة لتعيين قبطي محافظا لقنا كنموذج لسوء إدارة المجلس العسكري للأزمات الطائفية.

وخلص التقرير إلى أن المجلس الأعلى للقوات المسلحة لم يملك رؤية واضحة ومكتملة للتعامل مع ملف التوتر والعنف الطائفي، ولم تكن لديه إرادة فعلية لوضع حلول جذرية للمشكلة الطائفية، ولذلك لم يستخدم سلطة التشريع لإصدار قوانين تصحيحية تعالج مشكلة بناء الكنائس أو الممارسات التمييزية في المجتمع، وذلك بالرغم من تأكيده وحكومته منزوعة الصلاحيات في أكثر من مناسبة على صدور تعديل تشريعي ينظم بناء الكنائس وتقنين الكنائس المقامة بالفعل والتي تزاول فيها الصلوات دون حصولها على تراخيص رسمية.

للاطلاع علي التقرير

http://eipr.org/sites/default/files/pressreleases/pdf/copts_under_military_rule.pdf

لينك الخبر علي موقع المبادرة

http://eipr.org/pressrelease/2012/10/09/1519

موقع المبادرة المصرية للحقوق الشخصية

http://eipr.org/

سامح محروس فودة.."ضحية جديدة للتعذيب في إقسام الشرطة"

سامح محروس فودة 
"خالد سعيد" آخر 

من امبارح الساعة اتنين بليل كان في قطع لطريق مصر اسكندرية الزراعي , بالظبط عند قرية الشراقوة , بعد المؤسسة بشوية... الطريق كان مقطوع ليه؟؟؟؟؟

عشان كان في واحد اسمه "سامح محروس فودة" الراجل ده عنده 32 سنه و متزوج و لديه طفلين ( احمد و سما ).. غير مسجل جنائيا و معروف عنه حسن السير و السلوك بشهادات اهل قرية الشراقوة محل إقامته.

سامح كان واقف زيه زي غيره بيتفرج علي خناقة في الشارع ,, وبعدين في قوة من قسم شرطة شبرا الخيمة اول وصلت مكان الخناقة ,, المهم سامح خاف ليتقبض عليه و يعتبروه من ضمن اطراف الخناقة اللي حصلت ,, فقرر انه يمشي و يبعد عن مكان الخناقة ,, المهم انه القوة اللي وصلت من القسم اشتبهت في سامح و مسكته و حاولوا ياخدوه معاهم ع القسم ف الاهالي رفضوا لأنهم عارفين سامح و لأنهم عارفين انه ملوش دعوة بالخناقة اصلا ,, الظباط قالولهم احنا هناخده خمس دقايق بس و هنرجعه تاني ... بعد الكلام ده بنص ساعه من اقتياد سامح محروس فودة علي القسم ,, قام الظباط في القسم متصلين بأهله و قالوا لهم "" تعالوا خدوا ابنكم عشان دخل في غيبوبة"".....

اهالي سامح جابوا عربية اسعاف عشان ينقلوه مستشفي معهد ناصر و بالفعل اخدوه من القسم ,, المفاجأة كانت من المسعفين لما شافوا جثة سامح و كشفوا عليها , لقوا انه "ميت" و مش في غيبوبة!!!!!!

دلوقتي ماكينات الاعلام الوسخه شغالة هيا و المصادر الامنية اللي بيقولوا انه "مسجل جنائيا" و انهم قبضوا عليه وبحوزته 20 قطعة حشيش و سلاح ابيض...!!!!!!!

التعذيب في إقسام الشرطة اسلوب ممنهج مش حوادث فردية 

الظباط الصغيرين و امناء الشرطة اللي دايما بيقوموا بعمليات التعذيب دي لو مش بتاخد تعليمات من قياداتها الامنية العليا انها تنفذ عمليات التعذيب ,, عمرهم ما هيخاطروا بنفسهم و يعملوا ده من دماغهم !!!!

الشرطة هيا هيا وسخه و اساليبها اوسخ 

التعذيب في اقسام الشرطة اسلوب ممنهج مش حوادث فردية ... الشرطة لسه زي ما هيا .... الظاهر ان الشرطة نسيت 28 يناير 2011 و اللي حصل فيها .... مش باين لأي حد في مصر ان جهاز الشرطة اتعدل او ناوي يتعدل .!!!!!!!!

شريعة علمانية و مؤامرات صهيونية

مشروع الكيانات الدينية المفروض انه تطبيق الشريعة .

ودي مشكلة عندي لأني مؤمن بعلمانية الدولة.. مؤمن بإن علمانية الدولة تحمي و تضمن لكل المواطنين حق حرية الاعتقاد  : ) 

 صوت من بعيد : انت مش مسلم ولا ايه ياعم ..

الإعتراض عندي مش علي الشريعة في حد ذاتها لأني مؤمن بيها ,, انما الاعتراض علي الاشخاص اللي هيقوموا بعملية تطبيق الشريعة - شرع الله - علي المجتمع.

و تجارب الدول الدينية في العالم تخليني ادافع عن علمانية الدولة...

معنديش اعتراض علي إلغاء المادة التانية من الدستور ,, لإن المفروض ان تطبيق الشريعة من داخل الفرد نفسه مش من خلال قوانين و مواد دستورية والا كان المفروض الملايكة تقوم بكتابة الدساتير للشعوب .!

اللي مؤمن بيه هوا اني أطبق الشريعة عن فهم احسن ما أطبقها عن جهل,, و حتي لو هطبقها علي نفسي عن فهم , المشكلة مش فيها , المشكلة ف اللي بيحكم بإسمها... لإني أثق في الشريعة و فـ نفسي ولا أثق في من يحكم بإسمها.....

بالنسبة لي المشكلة بين التيارات الدينية و التيارات العلمانية... 

مش في الشريعة كدين سماوي او العلمانية كفكر انساني .. المشكلة و انعدام الثقة في المدعين بالعلمانية و حاملي رايات الاسلام السياسي...

الفريقين فيهم اشخاص غير شرفاء و بتوع مصالح ولعب ع الكراسي مش من أجل الشعب .

زي بالظبط حقوق الانسان .. امريكا كل ثانية تقولك انها تعمل علي حماية حقوق الانسان في العالم ولكن الحقيقة انها تحمي حقول الطاقة في العالم .

دا اسمه إدعاء مزيف

الصهيونية ..

ناس لسه بتتكلم فقي انها حقيقة ولا مؤامرة!! طب وبعدين ؟؟ احنا كدا واقفين عند كون انهم حقيقة ولا مؤامرة ولو قلنا حقيقة فـ برضو احنا لسه واقفين عند نقطة انها حقيقة ,, 

بقالنا اد ايه بنقول ان الصهيونية فعلا حقيقة؟؟؟؟ كتير فشخ 

انما هل أنظمة الحكم و الناس اللي عمالة تهلل بحقيقة الصهيونية و مخاطرها عملت حاجة لمواجهة الصهيونية ؟؟؟؟؟؟؟

كله هتش فـ هتش .. اي رغي ع الشعوب و خلاص وايه المانع نلعب بـ مشاعر الجماهير طالما ان دا هيجيب تأييد شعبي!!

الصهيونية تمول منظمات حقوق الانسان في مصر.

إذن حقوق الانسان صهيونية!!

النظام بـ يصدر لنا الكدبة و احنا بنصدق.. النظام اصلا صهيوني سواء في السياسة الخارجية مع امريكا و اسرائيل او في السياسة الداخلية في التعامل مع الشعب ....

وبعدين لو هنقول مثلا ان منظمة مجتمع مدني بتشتغل في حقوق العمال و ثبت بالمستندات ان المنظمة دي موجهة بالتمويل المشروط من منظمة أجنبية مشبوهة ,, هل دا معناه ان حقوق العمال مش حقيقة و الكلام عليها هوا مشروع صهيوني ماسوني من اجل هدم مؤسسات الدولة ؟؟؟؟ اكيد اللي مصدق كدا و اللي بيصدق الكلام من النوعية دي ساذج جدا لدرجة انه مش فاهم اي حاجة او يعمد انه يظهر و يدعم الكلام الفارغ ده من أجل تحقيق مصالح سياسية و عادة بتيجي من أنظمة الحكم المستبدة و المعارضة المزيفة .

حد يقول لي احنا فين من التقدم البشري ؟؟؟؟؟

حد يقول لي احنا عندنا وقت للشعارات و الكلام الفضفاض ولا احنا مستعجلين علي بناء دولة متقدمة؟؟؟؟

كل دا من أجل الصراع علي السلطة؟؟؟؟ مجتمعنا معندوش وقت انه السلطة تكون في ايد ولاد وسخة .. 

الشك مش في الأفكار .. الشك من صنع المنافقين .

عاوز تطبق الشريعة علي المجتمع؟؟ طبقها علي نفسك الأول.

عاوز تطبق العلمانية علي المجتمع؟؟ طبقها علي نفسك الأول.

بتقول إنك بتحمي حقوق الانسان؟؟ ياريت يكون معروف عنك النزاهة.

بيان اخواني كان بيتوزع عند كايرو مول امبارح

بعنوان : ماذا قدم البرلمان خلال 60 يوم ؟؟

1- اعتماد تعديل نظام الثانوية العامة سنة واحده فقط وذلك (تخفيفا لأعباء الاسر المصرية).

2- حل مشكلات الحولات الصفراء

3- اعتماد مشروع الجسر البري علي خليج العقبة 

4- اعتماد تثبيت العمالة المؤقتة 

5- اعتماد الحد الادني للأجور 700 جنيه و الحد الأقصي 35 ضعف الحد الادني (مما يحقق العدالة)

6- وقف توزيع الاراضي عن طريق القرعة 

7- تسليط الضوء علي كثير من مواطن الفساد مثل المسؤلية عن الاسكان بمحافظة البحيرة و دمياط

8- إلزام الحكومة بدفع تعويضات للمضارين من الحمي القلاعية 

9- سن قانون تنظيم الانتخابات الرئاسية (بما يضمن الشفافية و عدم التزوير)

10- طرح هيكلة وزارة الداخلية 

11- الاتفاق مع الدول الاوروبية علي تطهير الاراضي المصرية من الاغام 

12- لجان تقصي حقائق حول مجزرة بورسعيد

13- الهيئة العليا للحج و العمرة 

14- التدخل الفوري لضمان حقوق المئات من المصريين خارج الوطن 

15- زيادة تعويضات الشهداء الي 100خ الف جنيه 

16- تم اعداد 29 مشروع قانون يمس مصالح المواطنين وذلك خلال 60 يوم فقط (وهو لم يحدث في 60 سنة)

17- تم تشكيل لجنة تأسيس الدستور ممثلة (لمعظم) القوي 

18- بدء اجراءات إسقاط حكومة الجنزوري (بعدما ظهرت ابعاد المؤامرة علي مصر)

******************************************************

دا بيان كان بيتوزع عند كايرو مول امبارح من مجموعة شباب من الاخوان 

تدوين حر.. دوائر المصالح و كيفية صناعة النجم الاعلامي 1

في هذه التدوينة احاول التطرق الي كيفية صناعة الوجه الإعلامي , كيفية تلميع الوجوه , كيفية إبراز المنافقين بصفة الوطنيين...
أتحدث هنا عن آلة إعلامية ضخمة موجهة بقوة لمحبي برامج التوك شو و التي يري الكثير من الشعب المصري انها تستضيف من قيل زورا عنهم أنهم ثوار..
هذه الآلة الإعلامية -في مصر- أبرز قنواتها (مجموعة قنوات دريم-مجموعة قنوات الحياة-قناتي اون تي في و اون تي في لايف-قناتي سي بي سي و سي بي سي 2 - قناة النهار) هذه هي أبرز قنوات التوك شو السياسي و التي تستحوذ علي اعلي مشاهدة من الشعب المصري ولكن دون إضافة القنوات الدينية وذلك لكبر حجم الخراء بها و الذي يستوجب مني الحديث عنها في تدوينة مستقلة نظرا لخطورة المحتوي الإعلامي علي المجتمع المصري ...
دعونا نتفحص بالتدقيق الأدوار الحقيقية التي لعبتها هذه القنوات منذ بداية الثورة المصرية .
مجموعة قنوات دريم :
 الكل يعلم لماذا غادرت الاعلامية دينا عبدالرحمن قناة دريم المملوكة (لرجل الأعمال) أحمد بهجت وذلك بعد مشاداة كلامية بينها و بين أحد أعضاء المجلس العسكري حينما أتصا بالبرنامج و هاجم تقديم الإعلامية لأحد المقالات التي تهاجم و تنتقد آداء المجلس العسكري في الحكم و كان هذا هو سبب ترك دينا عبدالرحمن للقناة و الله وحده يعلم ما اذا كانت الاعلامية هي التي تركت القناة ام أجبرت علي تركها و تصفية حساباتها المالية مع مالك القناة و العبد الفقير الذي يقوم بكتابة هذه السطور يرجح السبب الثاني .. لن أتكلم عن مني الشاذلي لأن الكل -أيضا- يعلم من هي مني الشاذلي !!
قناة اون تي في :
استقطبت القناة مجموعة من الشباب إدعوا انهم ثوار وهم في الحقيقة كما نعلمها و كما نعلمهم ليسوا بثوارا ولكن منافقين مثل الشابة مقدمة برنامج دوور يا كلام اسراء عبدالفتاح , ولكن الصدمة انني رأيت بجوارها خالد تليمة ذلك الشاب التقدمي التابع لحزب التجمع , ولكن علينا جميعا تقبل الأمور لأن المادة عن هؤلاء الأشخاص تغلب المباديء ...
فهكذا استطاعت الآلة الإعلامية المملوكة (لرجل الأعمال) نجيب ساويرس ان (تنظف و تلمع) هيئة و وجه اسراء عبدالفتاح و تقدمها علي أنها ثائرة بحق فأصبحت مقدمة لبرنامج شبابي , و لكن هذه الآلة الإعلامية بكل مالها من سلطة و نفوذ قوي لم تستطع أن تلمع الثائر (أحمد دومة) علي سبيل المثال لا الحصر .. فكلنا نعلم أحمد دومة ولا تستطيع الكلمات ان تصف احمد دومة او الخط الثوري الذي يسير عليه من قبل الثورة و حتي الآن ...

أنها دوائر المصالح التي تحكم الآلة الإعلامية !

مجموعة قنوات الحياة :
إستطاعت الآلة الإعلامية بهذه القناة أن تبرز المنافق مصطفي بكري علي انه ثائر الوطن الأوحد الذي طالما قمعه نظام مبارك وهو في حقيقة الأمر منافق استطاع أن يتبوأ مكانة متقدمة في التهليل و الترفيس بقوة للنظام القمعي (مبارك-المشير) فهاهي آلة إعلامية تضرب المثل في تحويل المنافقين الي حراس الوطن و تحويل الثوار الي عملاء و خونة...

علي سبيل المثال لا الحصر ايضا, لم تستطع الآلة الإعلامية ان تستقطب المناضل اليساري كمال خليل و ان تلمع وجهه فهو ليس من زمرة المنافقين الذين باعوا مبادئهم و انزلقوا تحت راية المادة و المصالح التي خدعت الكثيرين و إتطاعت ان تخلق ما سمي ب(المعارضة الكارتونية)....

هنا أنتهي مؤقتا ولن أعتبر هذه السطور القليلة هي النهاية في كشف حقيقة دوائر المصالح المتحكمة في الآلة الإعلامية,
الي لقاء في جزء آخر من مجموعة تدوينات (دوائر المصالح و كيفية صناعة النجم الإعلامي)

تطبيق شرع الله بالفرض و الإجبار (2)

حينما تدعي التيارات الدينية المشاركة في الحياة السياسية و الحزبية نيتها عن تطبيق شرع الله فإن ذلك هو التوظيف عينه لشرع الله حسب المصلحة.. قد تكون هذه مصلحة الدعوة السلفية او الاخوان المنافقين او اي حزب او فصيل ديني آخر.. 
نحن لا نتعارض مع الاديان بشكل عام او ما أهقره الله علينا و لكننا لا نريد فرض اي شيء علي المجتمع دون إعمال شخصي للعقول..!


هذا بجانب ان ما تنوي التيارات الدينية تطبيقه ليس الاسلام لكن مفهومهم الخاص عن الاسلام.. إضافة الي ذلك فإنهم حين يعبرون عن رؤيتهم للاسلام و شرع الله فإننا لا نري من أفعالهم سوي الانغلاق و التشدد المتطرف , وهذا التطرف المفرط ليس نتاج تعاليم الاسلام ولكن هو نتاج لتطبيق اعمي دون تعقل أو تأمل أو تفكير....
ومن الظلم أن نربط بين الاسلام و المسلمين و قلة من التيارات الاسلامية المتشددة.


اما عن هذه الجماعات الاسلامية المتشددة و التي تدعي اتباع منهج السلف الصالح , فإنها تتفق تماما مع نظام آل سعود في الحكم لمجرد إدعائه بتطبيق الشريعة الاسلامية عبر تقنين مفاهيم خاصة للاسلام , ناهيك عن كونها تعبر عن المنهج الوهابي شديد التطرف.!!
وبمقارنة بعض الامثلة التي يعيشها الشعب السعودي فنجد أن إجبار الناس بالعنف علي الصلاة من قبل جماعة الامر بالمعروف , هو تصرف متشدد ليس له اي نص صريح في الاسلام قرآن الله و سنة رسوله صلي الله عليه و سلم.


إن إصدار الفتاوي بحرمانية و منع المرأة من القيادة هو تصرف متشدد ليس له اي نص صريح في الاسلام قرآن الله وسنة رسوله , بل و يعتبر ايضا إنتقاص من آدمية المرأة بإعتبارها نصف كائن حي مصف انسان - و احيانا نصف انسان و النصف الآخر شيطان (في نظرهم الأعمي).
إن فتوي إرضاع الكبير هي فتوي متطرفة تنم عن حرمان جنسي بشع و ليس في ذلك اي إرتباط بالاسلام أو بأي نص صريح في القرآن.
اما عن الحرمان الممنهج و الدائم للمواطنين السعوديين المنتمين للمذهب الشيعي من أبسط حقوقهم المشروعه هو تصرف متطرف يتسم بمعاداة الآخر و عدم قبوله و إنكار فكرة التعايش مع الإختلاف التي وعينا اليها في الاسلام , أضف الي ذلك ان سوف تجد غالبية المنتمين للمذهب السني في السعودية لا تمانع ولا تجد حرجا في إنكار حقوق المواطنين الشيعة بما في ذلك استنكار واضح لحقوق الانسان و المواطنة و حرية المعتقدات و التي كفلها و دعمها الاسلام .


في حين أن بيع النفط السعودي للغرب ليس من الاسلام كما أن الموالاة العمياء لسياسات أمريكا ليس فيه شيء من الاسلام , و إنما هو توظيف شريعة الله لحساب نظام حكم آل سعود الفاسد... 
هذه مجرد إمثلة من واقع يتسم بالتطرف و الاستبداد 


أما عن الجماعات السلامية المتشددة في مصر فنري انها لا تجد حرجا في إعلان أن ما يحدث في السعودية يتطابق مع شريعة الله , و بالنظر الي مفهوم السلفيين عن المجتمع في مصر فسنري ان التهجير القسري للعائلات القبطية ليس من الاسلام و لكنه من التطرف الأعمي الذي ينفي أننا نعيش وفق قوانين مدنية تحمي جميع المواطنين سواء , بل و الأسوأ من ذلك نري أن النظام العسكري القمعي في مصر لا يتخذ اي موقف من هذا الارهاب بل و يستخدم ورقة الأديان و تطبيق الشريعة في استمالة السلفيين و الأخوان .!!


نعم ان هذا يحدث في مصر !!


إن دعاوي التكفير التي تصدر من قبل هؤلاء المتشددين بحق (الاقباط - المرأة ) بشكل خاص و من يخالفهم الرأي بشكل عام هو إرهاب فكري و تمييز ديني ومعاداة للآخر و عدم قبول التعايش مع الآخر , اما عن تكريس هذه الأفعال المتطرفة و استمرار حدوثها فهو بمباركة من النظام العسكري القمعي الحاكم , اما عن مصلحة السلطة القمعية في ذلك التطرف فهي ان تفكيك المجتمع المصري و إدخاله في متاهات هو الضمان الأقوي لبقاؤهم في سدة الحكم ...


مثال بسيط علي النفاق :
إن فتاوي و دعوات دينية تحرم الاعتصام و التظاهر و التي اصدرها شيوخ السلفيين بغرض "الاستقرار"  في منتصف عام 2011 لم نرها و لم نسمع عنها شيئا حينما إمتلأ ميدان التحرير بالمدافعين عن الشيخ حازم صلاح ابو اسماعيل غحتجاجا علي استبعاده من الترشيح للرئاسة !! أي أن إصدار الفتاوي الدينية اصبح حسب المصلحة الشخصية , وأن ذلك ليس فيه أي صلة بالاسلام و إنما هو ذات النفاق و الإرهاب الذي يمارسه علينا رجال الدين المسيسين ...
العلمانية هي الحل 

تدوين حر .. حفاظا علي مقعد حول المنضدة

 كان ذلك امس الأول .. رأيته جالسا في سكون , ينظر إلي المنضدة بإيحاء التلصص من الأنظار خارج النوافذ.. لا يريد أن يشعر بأن احدا يعرفه ..ولا أدري لماذا شعرت لوهلة بأن من رأيته هو نفس ذات الشخص الذي رأيته لأول مرة يجمع توكيلات للمعارضة في منتصف عام 2010 ؟؟ في ثوان قليلة تأكد من شخصيته.! انه فلان الفلاني الذي انتمي في بدايات الثورة لأول كيان شبابي ثوري... تمر فجأة نافذة ريش كافيه لأجد نافذة اخري فتيقنت استكمال المضي قدما...

اخيرا وصلت الميدان.. اثناء النظر في كل الاتجاهات , تجد الشعب.. نقبت في ذاكرتي عنه مرة اخري .. قمت بإعادة مشهده جالسا , لم يقف امامي سوي نظرة التلصص... وجودها امامي جعلني اربط بين تلك النظرة و إنخداع صاحبها في نظرية صناعة النجم الاعلامي !!! اتسم هذا الفقير لله بعد الثورة بالاشتراك في الاجتماعات المصورة ثم أختفي فجأة بين الجميع .. نفرته الآلة الإعلامية لمجرد انتهاء دوره المؤقت..! ليظهر وحيدا ذو نظرة تدل علي اغتراب عميق.. اغتراب سببه التناقض الذاتي .. الدفاع عن حقوق الفقراء و المهمشين .. الدفاع عن الحقوق و الحريات العامة , و البحث عن مناصب مكتبية يتم إستضافتها في العاشرة..! 

لأ اعتبر ذلك مزايدة ..!ّ ولكن كلنا نعلم من هو الذي يتسم بالنزاهة ومن الذي اتسم داذما بالتلون علي حسب المصلحة.. اما الاساس في ذلك الحديث هو اننا نعلم بوجود هؤلاء الأشخاص و تاريخهم التراكمي في النفاق واضح ومع ذلك لا يرغب البعض منا في إجتنابهم او حتي بفضحهم , مع العلم بأن استمرارهم بإدعاء الدفاع عن حقوق الشعب و الثورة يسبب خسارة فادحة كما يحول دون تحقيق مطالب ثورة الشعب المصري... 

لا أريد ان احتكر شيئا.. ولكني أريد المساهمة في بناء وطن ديمقراطي يرتقي فيه المواطن...

 كلنا نريد .. كلنا نقاتل .. ولكن اذا كان العدو داخل الوطن .. فتأكد من جبهتك الدفاعية حينما تغيب الرؤية.. من أجل إعلاء حقوق الشعب.. حقوق الشعب في ثورته..

اذا كان هناك تيار معين قد فلح في جني ثمار ليست من حقه فلماذا نترك الآخرين ضمن أوساطنا.. كما فعلا سابقا .. ولكن بالأمس المظلم كنا متفقين علي الإزاحة.. اما الآن فقد قامت الفئة الضئيلة - فئة كلاب المصالح - بخيانة الثورة...! نرجو من شرفاء مصر إعلاء الوطن - الثورة - .. الشعب و الأجيال القادمة    

هل اخطأت في ذلك ؟؟ لا أدري.. 

تطبيق شرع الله بالفرض و الإجبار

لماذا تواجه حركة الفكر تحديات .....
لماذا يريد الاسلاميون تطبيق الشريعة بالفرض و الإجبار علي عموم الناس ؟ أليس من حق الجميع إعمال العقل ؟أليس من حق الجميع ان يتفحصوا أمور دنياهم ؟ هل الشريعة و الطريق الي جنة الله يكون عن طريق الفرض و الإجبار أم عن طريق إعمال العقل و التأمل في شريعة الله بالتفكير ؟ أيهما أفضل و أيهما سيدخلني الجنة : حينما أطبق شرع الله بالفرض و الإجبار مما سيؤدي الي تطبيقي لأمور لا أفهمها ولم يشرحها لي أحد أم حينما أطبق شرع الله بعدما أدرك معاني و مفاهيم ومقاصد هذه الشريعة , ايهما اقرب الي الجنة ؟؟؟؟؟
لماذا نتعنت في إعمال العقل علي الرغم من أن إعمال العقل لا يتعارض مع الشرائع السماوية الثلاثة .. ولكن للأسف يتعارض مع من حسبوا انفسهم وكلاء لله علي الأرض !! 


أليس العقل هو ما يميز الانسان عن سائر خلق الله ؟ وإن لم يكن فلماذا فضلنا الله به ؟؟؟ 
اذا كان المسلمين حسب العقيدة الاسلامية مؤمنين بأن المسيح صعد الي السماء ,بينما المسيحيين حسب العقيدة المسيحية مؤمنين بأن المسيح صلب , وأن هذا هو جوهر الخلاف بين العقيدتين .. فهل هذا يمنع في وقتنا هذا ان يتعايش المسلمون و المسيحيون تحت راية وطن واحد ؟؟ هل هذا الاختلاف يمنع أن يقوم المهندس او الطبيب او العالم المسلم من العمل مع المهندس او الطبيب او العالم المسيحي ؟؟ هل هذا يمنع ان نعمل جميعا من اجلنا و من اجل القادمين ؟؟ هل هذا يمنع الارتقاء لبني الانسان ؟؟


إن مفاهيم ( الوطن - التقدم - الارتقاء - النهضة - التحضر - حقوق الانسان - الديمقراطية - الحريات - العدل ) هي كلها مفاهيم لا تتعارض مع الاديان السماوية عامة و الاسلام خاصة , و التأكيد علي ذلك أن الاسلام يكفل و يعترف بكل هذه المفاهيم الانسانية بل و يدعمها وذلك في سبيل التعمير و الارتقاء وليس الفساد و الفشل ....


توصل عقلي البسيط من خلال مافهمته من الدين الاسلامي الي أن سبب الكون و خلق البشر هو الارتقاء الانساني لبني البشر .. رأي عقلي من خلال ما تفهمته ان سبب خلق البشر هو التعمير الانساني للأرض فكان ذلك هو السبب الذي جعل الله عز وجل ان يسخر لبني الانسان الارض وما عليها ومافيها ...
اري ايضا وكلامي ليس إجبارا علي احد انه حينما يتوصل انسان ما الي نظام يهدف الي حماية و ارتقاء سائر البشر -بغض النظر عن كون هذا الانسان مسلما او مسيحيا او يهوديا او ايا كان - فهذا يعتبر إضافة الي البشرية و الانسانية ولا يسبب اي انتقاص لأي دين او شريعة اقرها الله علينا.... 


لماذا نفرض علي غير المسلمين تطبيق شريعة المسلمين ؟؟؟ لماذا نفرض علي المسيحي ان يصوم شهر رمضان او يصلي صلواتنا الخمسة ؟؟؟؟؟؟؟؟؟؟؟؟؟؟؟ 

الفعل الإرادي الحر في السياسة المصرية

الفعل الارادي الحر هو كل فعل ناتج عن الارادة الحرة المستقلة للانسان....

اعتقد لو قسمنا المشهد السياسي في مصر ل( مجلس عسكري-اخوان و سلفيين-كيانات ليبرالية و يسارية-مرشحين للرئاسة-حكومة مرحلة انتقالية) هنلاقي انه ولا حد من اللي اتكتبوا دول قدم للوطن من بعد الثورة اي فعل ارادي حر قوي و موحد للمرحلة اللي مصر بتمر بيها , الا بعض التكوينات اليسارية و الليبرالية الصغيرة والمكونة من الشباب , و اللي معظم افعالهم الارادية الحرة لا يتم التركيز عليها بسبب التخوين و العمالة و استمرار التهميش للشباب .....

أ- مجلس عسكري :- لم يحمي الثورة كما ادعي - اتسم بملاحقة الثوار و القضاء عليهم و يعمل منذ توليه السلطة علي القضاء علي الثورة المنشودة - لم يقدم لمصر اي فعل ارادي حر يخدم الوطن و الشعب او يهدف للإرتقاء او النهضة او التقدم - كل افعاله الارادية الحرة كانت عبارة عن قتل اعداد من المصريين و اهانة كرامتهم و كرامة وطنهم و الدفع بهم نحو المتاهات عن طريق اصدار بيانات و تعديلات دستورية لا تخدم الا مصلحته فقط- مسئول عن قتل اعداد من المصريين كان غالبيتهم او كلهم مشاركين في فعاليات ارادية حرة تنادي بتحقيق مطالب الثورة - مسئول عن تشويه الثوار و الثورة بإتهامات العمالة و الخيانة و كثيرا ما اطلق عليهم بعض شيوخ السلفية لتكفيرهم - مسئول عن كل احداث العنف من بعد الثورة,,,

ب- اخوان و سلفيين :- الاخوان لحد يوم 24يناير ليلة الثورة كانت كل تصريحاتهم عن المشاركة انهم هيشاركوا بس بمجموعة من الكوادر الاخوانية بوقفة احتجاجية امام مكتب النائب العام و الناس اللي عدت من قدامهم هما اللي خرجوهم من الكردون الامني ,, يعني مصلحة الجماعة هيا الاهم ولها الأولوية (من قبل ومن بعد الثورة) - كوادر التيار السفلي و دعاة السلفية كان كل تصريحاتهم لحد ليلة الثورة بتتكلم عن حرمانية الخروج علي الحاكم و انهم مش هيشاركوا في المظاهرات - الاخوان و السلفيين اول ما دخلوا مجلس الشعب نقضوا كل عهودهم اللي ابرموها علي نفسهم (كالمعتاد) من عدم ترشيح الجماعة لمرشح للرئاسة لإدعاءاتهم بحماية الثورة و الموافقة علي استفتاء १९ مارس اللي اصلا مكانش المفروض يبقي فيه استفتاء علي دستور قامت ثورة عشان تلغيه!! دخلوا في صفقات مع المجلس العسكري بما يتنافي مع مصلحة الوطن - استغلال اغلبيتهم البرلمانية لتشكيل لجنة تأسيسية للدستور بما يتنافي مع مصلحة الوطن - المماطلة في تحقيق مطالب الثورة اللي دخلوا بسببها مجلس الشعب - استغلال الدين في الدعاية الانتخابية و اشهر جملتين مأخوذين عن السلفيين ( قولوا نعم عشان تخشوا الجنة - من لم ينتخب الاسلاميين فهو كافر ) دخولهم الدائم في صفقات مع المجلس العسكري لتقويض قوي الثورة و عدم الاكتراث بالاستحقاقات الوطنية و الثورية اللي حررتهم من ظلمات عصر مبارك - الممارسة العلنية للتمييز الديني ضد الاقباط - المسئولية عن حوادث التهجير القسري لعائلات قبطية - و بالرجوع لنقطة استغلال الدين و إدائهم البرلماني فهاهم الان يتكلمون عن حد الحرابة و فرض الجزية علي غير المسلمين , اما عن حد القصاص فلم نجد نائبا سلفيا او اخوانيا تحدث عن القصاص من قتلة الشهداء , مع العلم بأن حد القصاص في المرحلة الحالية له أولوية التنفيذ قبل حد الحرابة و فرض الجزية ,,,,

ج- الكيانات الليبرالية :- تتسم اغلبيتها بالنظر من اعلي - تتسم بالضعف و التفرقة ولا يشمل ذلك المواقف الشبابية - غير مقتنعين بإتحادهم تحت تيار موحد (سواء ليبراليين فقط او ليبرالي يساري) اما عن الاحزاب الليبرالية تحديدا فكلها متهمة بإعلاء مصلحة تأسيس الكيان الحزبي عن المصلحة الوطنية - اغلبية الاحزاب الليبرالية غير قادرة علي المواجهة المباشرة مع الاحزاب الدينية - غير قادرة علي التفنيد التراكمي لإخفاقات الاحزاب و التيارات الدينية ,,,,

د- الكيانات اليسارية :- تتسم موافقها بالثورية - تتسم دائما بالتشتت و كثرة التكوينات - غير مقتنعين بالاتحاد تحت تيار يساري موحد و قوي قادر علي استيعاب كل التنظيمات اليسارية - اساس فاعلية الكيانات اليسارية هي المواقف الشبابية - اما عن الاحزاب اليسارية فمتهمة ايضا بالسعي وراء مصلحة التأسيس الحزبي علي مصلحة الوطن ,,,,

ز- مرشحين الرئاسة :- علي الرغم من كثرة احاديثهم عن المشاريع و طرق الانقاذ الوطنية الا انهم لم يقدموا علي التنازل مرة واحدة من اجل الوطن - لم يقدم اي منهم مبادرة لتعريف المواطنين ببرامجهم و مقترحاتهم من اجل الوطن - لم يسعي ايا منهم الي تكوين ائتلاف يضم عدد من المرشحين لخوض انتخابات الرئاسة - لم يسعي اي مرشح منهم لجمع المرشحين في إن واحد و التحدث امام الشعب عن رؤيتهم للوطن - اغلبية احاديثهم الصحفية و المعلنة تحوي الكثير و الكثير من العبارات المطاطة !!!!

ض- حكومة الجنزوري :- حكومة فاشلة و كاذبة - متهمة بمحاربة الثورة و كل من يسعي لتحقيق مطالب الثورة - متهمة بالتراخي في محاكمة رموز النظام البائد وذلك بالاشتراك مع المجلس العسكري - تتسم بعدم الشفافية ولا تزال تعمل علي تقنين الفساد - متهمة بالاشتراك مع المجلس العسكري بالضلوع في قضايا فساد و التستر علي نظام مبارك و حمايته و اعادة انتاجه عن طريق العمل بنفس سياسات و توجيهات نظام مبارك - مسئولة عن الاهمال المتعمد في عدم ملاحقة رموز نظام مبارك الهاربين و التراخي في استرجاع اموال مصر المنهوبة - متهمة بالاشتراك مع المجلس العسكري عن الشعور المجتمعي العام بعد الرضا عن الاداء السياسي لكل منهما - متهمة بالاشتراك مع المجلس العسكري في تشويه صورة الثورة و الثوار و تصفيتهم و اتهامهم بالعمالة و الخيانة - متهمة بالاهمال المتعمد في عدم إقرار سياسات اقتصادية تضمن تحقيق العدالة الاجتماعية لكل المواطنين ,,,,,,

تنازلات من اجل الوطن

دا الوقت اللي المفروض الكل يقدم فه التنازلات , من اجل الوطن ,,مش احنا مؤمنين بحقوق الانسان و الديمقراطية و الحريات و العدالة الاجتماعية ؟؟ مش احنا مؤمنين بمدنية الدولة ؟؟ طب ايه اللي مشتتنا كدا؟؟ ايه اللي مفرقنا بالشكل الفظيع ده ؟؟ هنقول المجلس , ماشي بس دا مايمنعش واقع اننا منقسمين علي نفسنا ,, نفس الاهداف و المباديء و الرؤي للدولة و المجتمع مؤمنين بيها كلنا بس للأسف منقسمين و مفتتين علي مليون ائتلاف و حركة و حزب و هري و نكت !!

مرشحين الرئاسة -علي افتراض انها هتبقي نزيهة- كلهم بيتكلموا عن مشاريعهم للوطن اللي شايلة شعارات النهضة و التقدم و سبحان الله مفيش حد فيهم عمل مبادرة واحدة -فعل ارادي حر- وجمع المرشحين لعرض برامجهم و مشروعاتهم علي الشعب...

كلهم بيتكلموا عن خططهم السحرية اللي هتشفي جراح الوطن الاقتصادية و الاجتماعية بس مش عارف ليه و حضراتكم لاحظتوا ان صيغة كلامهم تعني ( احنا ف ايدينا ننقذ الوطن بس مش هنعمل كدا الا لما نبقي رؤساء)

يعني يا اما ابقي رئيس يا اما امكم !!

اما عن القوي المدنية و العلمانية فمش هقول غير انه رخم جدا لما يبقي المواطن مؤمن بالعلمانية و للأسف مش شايف علي الساحة السياسية اي تيار مدني قوي وقادر علي تفنيد مزاعم التيارات الدينية,, للأسف مش شايف اي كيان يدعي العلمانية قادر علي مواجهة تيارات أبوجهل ولو بمؤتمر صحفي !!

اتمني ان أري تيار مدني يضم كل الكيانات العلمانية

و اتمني من شرفاء هذا الوطن ان يدركوا تحديات المرحلة اللي مصر بتمر بيها ,,,,,

مناقشة لموضوع اقتحام مقرات منظمات المجتمع المدني

يتوقع الكثير من النشطاء الحقوقيون و نشطاء المجتمع المدني عامة ان تكون هناك هجمة اكثر شراسة علي منظمات المجتمع المدني تباعا للهجمة الاولي الممنهجة وذلك عن طريق تقنين و إعطاء سلطات واسعة للجنة تقصي حقائق حول قضية التمويل الاجنبي .. و بعد ان قام المجلس العسكري بتمرير قضية المنظمات الحقوقية للشعب و الرأي العام في مصر عن طريق الآلة الاعلامية المزيفة و المنحازة التي زيفت الحقائق و دعمت تقارير مخابراتية مقصود الخطأ بها و ايصالها للشعب المصري بأن هذه المنظمات يتم تمويلها من دول اجنبية بغرض زعزعة الامن القومي و القيام بأعمال تخريبية , فما كان الا وقد صدق الكثير من ابناء الشعب المصري بهذه الروايات الخاطئة .

أري إن المقصود من لجنة تقصي الحقائق في هذه القضية هو عرقلة هذه المنظمات في آداء عملها و تلويث سمعة النشطاء الحقوقيون الذين دافعوا و مازالوا يدافعون عن حقوق ثورتنا و خاصة و ان هذه المنظمات و المراكز الحقوقية علي مشارف الاحتفال بالذكري الأولي للثورة المصرية وذك وسط محاولات المجلس العسكري في إحباط الثورة و دفن ثوارها و مطالبها و تلويث سمعة شهدائها .. شهداء مصر الثورة....

و بعيدا عن المطالب الثورية فإن هذه المنظمات و المراكز الحقوقية من جانب اساس عملها هو تغطية و رصد و توثيق و دعم و مساندة الفعاليات الشعبية المتعلقة بالمطالب السياسية و الاقتصادية المتمثلة في الاضرابات و الاعتصامات و المظاهرات و جميع الفعاليات التعريفية سواء المرئية و السمعية و المقروءة, مع العلم بأن هذا الرصد و التوثيق يقوم علي رصد و توثيق كل ما يتعلق بآداء الطرفين و هما الحكومة و المعارضين لسياساتها...

الذكري الاولي للثورة المصرية تبقي لها ايام معدودة و هذه الحملة الشرسة من قبل المجلس العسكري علي المنظمات و المراكز الحقوقية الهدف منها تلويث سمعة هذه المنظمات و عرقلة عملها و ممارسة الضغوط عليها, خاصة و ان الحقيقة التي لايجرؤ علي نفيها احد ايا كان هي ان هذه المنظمات و المراكز الحقوقية كان لها من المساهمة و المشاركة الفعالة و الايجابية في نجاح ثورتنا .. و سواء كانت هذه المشاركة و الدعم بشكل غير مباشر عن طريق استقبال و استضافة المؤتمرات و الندوات و الفعاليات المتخصصة بالكيانات السياسية و طرح رؤيتهم و افكارهم علي المجتمع , او بشكل مباشر و ذلك حينما تبنت هذه المنظمات الحقوقية قضية خالد سعيد و هي قضية التعذيب داخل اقسام الشرطة و الانتهاكات الامنية الممارسة بحق المواطن المصري .

ان هذه الحملة الممنهجة ضد المنظمات و المراكز الحقوقية هي استكمال لخطاب الخيانه و العمالة الذي يستخدمه المجلس العسكري مع كل من يعارض سياسات المجلس العسكري ,, اي ان كل من يعارض سياسات المجلس العسكري هو خائن و عميل و يحمل في طيات ملابسه الداخلية .. اجنده اجنبية!!

يعلم الكثير من النشطاء الحقوقيين و المدونين مصطلحات ( جونجز - ان جي او ) ....

فمصطلح (NGO) اختصار لكلمة (Non-government Organization) و تعني منظمات غير حكومية .

اما مصطلح (gngos) فهو اختصار لكلمة ( Government Non-government Organization) و تعني منظمات غير حكومية حكومية !!

تكمن المشكلة هنا في مصطلح (GNGOS) و يطلق هذا المصطلح علي المنظمات التي قام بإنشائها النظام السابق و تدخل في سياساتها و التأثير علي عملها و تقاريرها و هي المنظمات التي يعلم الكثير منا انها منظمات تابعة للنظام السياسي و الغرض من إنشاء هذه المنظمات كثير , منها ايصال رسائل للغرب بإن هناك ديمقراطية !! و اصدار تقارير كاذبة حول الوضع الحقوقي في مصر .. و لنا في اضراب 6 ابريل عام 2008 مثال علي صحة وجود هذه المنظمات ومدي تعاونها مع النظام النظام ومدي انحطاطها ...

حيث قامت هذه المنظمات بإصدار تقارير بأنه لا يوجد تعذيب في مصر و ان التعذيب و الحالات التي تم رصدها هي حالات فردية وليس هناك تعذيب ممنهج .. اما موقفها من اضراب 6 ابريل 2008 فقالت ان هؤلاء الشباب هم شباب مغرر بهم و تم التأثير علي عقولهم بالمال و انهم يعملون لجهات خارجية الهدف منها هو نشر الفوضي في البلاد!! وبذلك فقد انتهكت هذه المنظمات الغير شريفه حق التجمع و التظاهر السلمي و اتهمت اناسا بغير حق او دلائل تشير لإدانتهم...

جميعا نعلم ان النظام السابق في زي مبارك و الحالي في زي طنطاوي العسكري يعرف حجم المبالغ الحقيقية التي تم ارسالها لجميع منظمات المجتمع المدني بل و نعرف جميعا ان النظام المتعاقب من مبارك للمشير تدخل و مازال يتدخل في منع او تمرير التمويل الممنوح لمنظمة ما و غالبا يكون منع التمويل عن منظمة ما بسبب حياديتها و تاريخها الشريف و مدي نزاهتها في اصدار التقارير عن الوضع الحقوقي في مصر .

يجب ان يعلم الجميع بأن هناك فروقا شاسعا بين كل من الوعي الحقوقي و الوعي السياسي و الدعم الاجتماعي , و ان هناك فروقا شاسعا بين منظمات المجتمع المدني و الكيانات السياسية .. فمنظمات المجتمع المدني تنقسم الي ( منظمات و مراكز حقوقية - جمعيات اهلية و خيرية - جمعيات رعاية الايتام و اطفال الشوراع و كبار السن - مراكز اعادة تأهيل المدمنين و المساجين - مراكز التوعية الصحية - الروابط العمالية ) اما الكيانات السياسية فهي كل ( حزب - تكتل - ائتلاف - حركة ) و هي الكيانات المختصة بالشأن السياسي و الاقتصادي ..

رأيي الشخصي :-

أرفض تماما تمويل الكيانات السياسية من دول او منظمات اجنبية و يتفق معي الكثيرون في ذلك .. اما منظمات المجتمع المدني فلا يوجد ما يمنع من تمويلها من الخارج اذا كان :-

1- الدولة لا تستطيع تمويل منظمات مجتمعها المدني .

2- ان لا يكون لهذه المنظمات اي عمل سياسي .

اما موضوع ان تقوم الدولة بتمويل منظمات مجتمعها المدني فإنني اركز علي ان الظرف المجتمعي الحالي و بعد ان قام المجلس العسكري بتزييف الحقائق في ذلك الشأن ,, فإنني اطالب كل منظمات المجتمع المدني و كل النشظاء الحقوقيون برفع قضايا علي النظام الحاكم بغرض التمويل الموازي و هو ان تمول الدولة منظمات مجتمعها المدني بنفس القدر الذين كانوا يتقاضونه من الخارج !! فإنه اذا كان قد اشاع المجلس العسكري أن موضوع التمويل الخارجي يأتي من وراءه التدخل الخارجي و نشر محطط الفوضي , فإننا نطالب الدولة بتقديم التمويل الموازي لهذه المنظمات .. بمعني ادق ( الباب اللي جيلك منه الريح سده و استريح !!) كما انه حين تقوم الدولة بتمويل منظمات مجتمعها المدني فإنه لن يكون هناك اي داعي لتلقي تمويلا خارجيا ...

انني مؤمن بأنه لا يوجد نظام حكم فاسد قد يقوم بتمويل و تنمية كيانات اسا عملها هو كشف الفساد وهذا من ضمن اسباب الحملة الشرسة علي مقرات منظمات المجتمع المدني و خصوصا المنظمات و المراكز الحقوقية .

سنة عدت علينا

سنة عدت ع الثورة.. سنة اخدت منا شهداء كتير.. سنة فارقنا فيها اصحاب الكفاح ضد الظلم و الطغيان .. سنة تحت حكم العسكر .. سنة تعبنا فيها كتير.. سنة اتزايد علينا فيها كتير.. وهيا هيا نفس السنه اللي علمتنا مانستسلمش.. اللي عيشناه في السنه دي علمنا ان الحق معانا و ان الثورة هيا المسار الصحيح.. سنه بنت جنية!! عرفتنا مين معانا و مين اللي نط ع الثورة و طلع علي قفانا.. في اوقات كتير من السنه دي كنا بنموت في الميادين و الشوارع..و ناس تانية كانت بتنظر لأحزابها الجديدة!! قمة النفاق.. و احنا كنا و مازالنا في قمة الكفاح (: السنه دي قولنا فيها ان مش هدفنا السلطة.. احنا هدفنا رسم ملامح الوطن اللي عايزين نعيش فيه .. و اللي من حقنا نرسم ملامحه بإيدينا و تعبنا.. السنه دي قدر فيها المجلس العسكري انه يقلب الشعب كله ضد بعضه و بالذات قدر انه يقلب ناس كتير من بعد ماكانوا مع الثورة و خلاهم ضد الثورة .. و كل ده طبعا بسبب الآلة الإعلامية المتواطئة و القنوات المزيفة و المنظرين الاوساخ و الاخبار و التقارير المنحازة و المضروبة و الغير منصفه .. دا كله كوم و الاتهامات اللي تم توجيهها للثوار و للميدان مرة بالعمالة للخارج و مرة بالتخوين .. السنه دي اتقتل فيها مينا دانيال و مايكل مسعد و اتعرضت فيها سميرة ابراهيم لأكبر عملية تحرش و انتهاك لحرمة جسدها.. السنه دي اتسحل و اتعري فيها بنات كتير من بنات مصر لمجرد انهم ثائرين ضد بقايا نظام مبارك المتمثل في المجلس الاعلي للقوات المسلحة.. السنه دي قدر فيها المجلس انه يلهي معظم الشعب و دخله في متاهات سياسية و قانونية و دستورية و استغل الجهل الديني المنتشر و هوا كان من ورا الستار بيستف اوراق الخروج الآمن !! بس دا علي جثثنا طبعا لو عرفوا يخرجوا.. هايتعمل معاهم فوق السطح بزيادة!! السنه دي كان فيها كتير حلو بس للأسف كان فيها الوحش اكتر.. و بالذات لحظات الفراق.. لما الصحاب و رفاق العمر و الكفاح .. يقعوا جمبك برصاص الغدر العسكري.. السنه دي يمكن فرقتنا كتير عن بعض بس السنه الجديدة دي لازم توحدنا من تاني ضد الظلم و الطغيان و الفساد و انعدام العدالة و قمع الحريات .. قصدي ضد المجلس العسكري.. مش هتفرق كتير.. بس المهم ان الدولة دي.. دولة ثوار .. معادنا 25 يناير 2012 :)

جمعة إنقاذ الشباب

ساعات كتير بحس و انا راكب المترو ولا اي مواصلة جماعية ان في عيون كتير عليا ,, بحس اني متراقب كتير ,, مش نفخ ف نفسي ولا غرور و اني مهم ,, بس بحس دا اكتر عشان انا شاب ...

بحس ان العين دلوقتي علي الشباب ,, في رصد و متابعة للشباب .. تصرفاتهم .. كلامهم .. فكرهم .. احتياجاتهم .. و ساعات اكتر و هوا دا سبب التدوينه اني بحس اننا مضطهدين في المجتمع !!

كتير اوي بيتبص لنا علي اننا عناصر مشبوهة .. مثيرين للشكوك .. مخربين .. معندناش انتماء .. و ساعات كتير ناس بتشطح ف دماغها و تقول علينا جواسيس و ماسونيين !! حبيب قلبي يا منحنح بجد !!

ليه مفيش اي دعم من اي جهة في البلد دي ؟؟ ليه مفيش اي حد ف اي حتة مستعد انه يدينا الثقة و يعتمد علينا ؟؟ طب ليه مش عاوزين مثلا يستفيدوا من عددنا و يعمروا الصحرا ,, سينا ,, السنغال ,, اي حتة يعني ,, واهو يكسبوا فينا ثواب ....

طب ليه معظم الشباب المتعلم لما بيجي يشتغل , بيروح علي مكان مش تخصصه ؟؟ و انه دايما الظروف و التعليم و البطالة و الماديات بتبقي السبب في كدا ؟؟؟؟؟؟ ليه مفيش مواجهة ؟؟ ليه مفيش مساعدة ؟؟؟ ليه مفيش مبادرة لتقبل وجودنا و الاستفادة مننا ؟؟؟؟ ليه محدش بيقعد معانا و يسمع لنا و يسمع مننا ؟؟؟؟؟؟؟

مش عاوز اكرر الكلام اللي قلته قبل كدا اللي كان عن مشكلات الثقافة الأسرية و ارتباك النسق الاسري و الشباب اللي بيسعي انه يتجوز و يحقق اللي بيحلم بيه ... مش عاوز اكرر بس دا فعلا موجود و حقيقي ....

لو حد فيكو ركز هيلاقي انه في كل مجالات الحياة في تربص بالشباب و تقليل منهم و قتلهم معنويا ,, في دايما و غالبا تحطيم لكل اللي بيحلم بيه الشباب و عاوزين يحققوه .. ودا شامل كل من النشاط السياسي ,, الثقافه ,, الفنون ,, الاسرة و الاجتماعيات ,, التعليم و مجالات العمل المختلفة !! طب علي فكرة احنا بالشكل ده هننقرض !!!!!!!

مش عارف بس انا عن نفسي و كعبدالرحمن ,, حاسس بكدا ,, ويمكن اللي خلاني اشوف و اركز مع الموضوع ده هو ان عندي مشكلة اجتماعية بحتة متعلقة بموروثات عائلية و اسرية قديمة هيا اللي عاملة المشكلة دي .... ودا اللي خلاني اسأل : ياتري كام واحد و واحدة من الشباب عندهم احلام بتتصدم في وساخة الواقع و بتموت في ثواني لمجرد انه الحلم مش علي هوا ناس تانيه !! كام واحد فينا كان عنده حلم و مات ؟؟؟؟؟؟؟

انا مثلا عندي 24 سنه و لما جيت افكر في جواز لقيت ان كل حاجة و كل حد و كل الظروف مش بتساعد ولا في باب امل واحد مفتوح مع اني مؤمن بالأمل و اصراري ده نابع من اقتناعي بوجود الامل ..!

مش عارف مين بالظبط و ليه بالظبط ممكن ان حد يستريح لما يشوفنا ميتين ,, و الانحراف و اللامبالاة اقرب طريق لينا ,, مش بهدد اننا لو معملناش اللي في دماغنا هننحرف ,, بس في شباب فعلا بيفقدوا الامل من كتر سواد الواقع ,,

يا جدعان مش كدااااا ..

طب احنا كشباب لما نقضيها تنفيض و ضرب و حشيش و حركات مايبقاش عاجب حد ,, و لما نهتم و نبدأ نبص علي بلدنا و مجتمعنا و نهتم بالتنوير و الثقافة و التوعية مايبقاش عاجب حد برضو .. طب حد ده بيعجبه ايه بالظبط ؟؟؟؟؟

يا جدعان .. يا حد .. يا ايها الآباء .. يا ايها الأمهات .. بجد اسمعوا لينا ,, ادونا الثقة ,, شوفونا بئا ,, والله ما هتندموا ,, احنا مش بنطلب حاجه عيب ,, احنا بنطلب الرحمة ,, و ربنا بيرحم ,, ف احنا البشر مش هنرحم !!! ماتجيش

حقوقنا مش هنطلبها منكم ,, احنا هناخدها بالعافية و نثبت نفسينا بالعافية لو الزوق مش نافع ,, و اعرفوا بس عشان لو مش عارفين و حاطين مكان المعرفة شوية معتقدات و تقاليد عفي عليها الزمن .. انه تقدم و ارتقاء اي مجتمع مربوط بتقدم و ارتقاء الشباب في المجتمع ده ,, و تقدم و ارتقاء الشباب مربوط بالحالة النفسية و الدعم المعنوي لافكار و احلام و طموحات الشباب ده ,,,,, اتمني ان حد يفهم ,,,,

سلطوية الأسرة داخل مجتمعنا الثوري

تتخذ الأسرة في عالمنا مكانة متميزة عبر التاريخ ,, فلها قدسيتها و شأنها في الحياة المجتمعية كما في التأثير علي أعضاء الاسرة بشكل عام و مباشر ولا احد ينكر دور الأسرة في تقييم أفرادها ايجابيا -في معظم الاحوال-ولكن الذي جعلني أكتب عن سلطوية الأسرة هو إيماني بأن تلك السلطوية ما هي الا أحد الأسباب المباشرة في التخلف الأسري -
....

فجميعنا يعلم و قد عايش البعض منا ما يعرف بسلطوية الأسرة و تأثيرها علي الأبناء-باقي اعضاء الاسرة- وانا لا اعني بكلمة الابناء من هم صغيري السن ولكني أتحدث عن كل شخص قد تجاوز سن الرشد القانونية فحين يكمل الفرد عامه الحادي و العشرين يكون قد بلغ مكانة لا بأس بها من حيث التفكير العقلي و الموضوعي أي انه قد وصل الي مرحلة الإعتماد علي إعمال العقل البشري

اما ما يدعو لإنتقاد الأسرة هو تحكمها المستمر في أفرادها من الشباب و التصرف في شئون مصيرية و أمور مستقبلية دون مراعاة ماذا يدور بعقل هؤلاء الشباب ,, هذا بالإضافة الي تعمد تكرار تابوهات سلفا مثل ( نحن الأكثر دراية بمصلحتكم - أنتم لا تعرفون شيئا - اننا لم نخلفكم حتي يأتي ذلك اليوم الذي تعصون فيه أوامرنا - و قد تصل بعض الردود و المهاترات الي ( اما هذا و اما اخبطوا دماغكم في اقرب حيطة!!! )

اما بالنسبة لموضوع الزواج فهنالك مأساة تتكرر في كل منزل بداخله شاب أو فتاة وذلك حين يفكر الأهل في موضوع الزواج بشكل مادي بحت .. فيتم إتخاذ الزواج علي أنه ( شقة - شبكة - ستاير و صالون - انتريه و تليفزيون - و طبعا فرح لازم البلد كلها تحكي عنه!! ) ولا يتم احتساب أننا بشر ... بل هناك بعض الأسر التي تفكر بشكل رأسمالي بحت و يعتبروا أن الأزمة الإقتصادية العالمية تؤثر بشكل او بآخر علي تواجد و إستيفاء كل هذه الشروط التعجيزية .. فإما أن يتواجد كل ذلك .. و إما أن يكون الرفض,, فهو أسهل طريق لكل من يفكر بشكل نفعي في موضوع الزواج .....!!

و هنا اتسائل و أوجه سؤالي الي الآباء و الأمهات : لماذا لا تعيرونا أي إهتمام ؟؟ أتعتقدون أن تساهلكم معنا سيقلل من شأنكم ؟؟ ألا تشعروا بما نمر به ؟؟ أمازلتم ترونا صغار ؟؟

إنني مقتنع تمام الاقتناع بأننا نأخذ بآرائكم و نهتم لمشورتكم احتراما و تقديرا لكم و لأننا نعرف تماما معني احترام الوالدين و أهميتكم في حياتنا ولكن هل تقابلوا تقديرنا لكم بعدم التقدير ؟؟؟؟ بعدم تقديرنا و إلغاء عقولنا و كسر إرادتنا و إختيارنا ؟؟؟؟ أهذا هو المقابل ايها الآباء و الأمهات ؟؟؟؟؟

لقد أنعم الله علي الانسان بنعمة العقل .. ليفكر و يتأمل في هذا الكون و يتعلم و ينتج منه .. كما كان من أهم اسباب وجود العقل البشري هو إعمال العقل في التفكير لمستقبل افضل وحياة أرقي للانسان .. المهم أن الهدف هو إعمال العقل ..... فأين هو المنطق و العقلانية حينما تصدروا قراركمن بأننا غير مؤهلين لإستخدام العقل بل و كثير منكم يستخدم فزاعات أسرية مهينة مثل فزاعة الوصاية و عدم معرفة المستقبل و فزاعة التقاليد و فزاعة عدم الرضا عنا !! وفي الزواج تقومون بإستخدام فزاعة العنوسة و القول بأنه إذا استخدمنا عقولنا و أرادنا التصرف فيما يخصنا كما نري ,, فإن التعاسة و الفشل سيكونوا مصيرنا ,, و أننا سنشقي طوال حياتنا .!!!!!

لماذا كل هذا التشاؤم ؟؟؟؟؟؟

و اخيرا و ليس بآخر .. أريد أن يعلم كل أب و أم أنه حين تقرروا إعطائنا حرية التصرف فيما يخصنا و قمتم بدعمنا و كان مصيرنا هو الفشل فإعلموا جيدا أننا علي إقتناع تام بأن ذلك هو قدرنا لأنه اختيارنا .... أما إذا قررتم الإستمرار في تسلطكم و إحكام قبضتكم علينا و كان مصيرنا هو الفشل .. فإعلموا أننا لن نوجه اللوم الا لكم لأن ذلك الفشل هو نتاج لإختياركم أنتم .........

رسالة الي كل شاب و فتاة عندهم احلام : ولا بد .. يبقي المصير في اليد ........

Close ad

التخلف الاسري .. التعريفات و الاسباب

بداية احب ان اعرف كل من سيقرأ هذه التدوينة و التدوينات القادمة بأن السبب الرئيسي الذي جعلني اهتم بمناقشة موضوع التخلف الاسري و الاسهام في تحليل هذه الظاهرة و التعرف علي اسبابها و انتشارها و تقديم ابسط الحلول للخروج من هذا النفق المظلم ,, هو انني قد واجهت مشكلة معينة كان من اهم اسباب حدوثها هو التخلف الاسري ..... هذا بالإضافة اللي مجال تخصصي وهو البحث الاجتماعي .

التخلف الاسري :

1 - التعريفات :-

أ - هو فقدان الفرد لدوره الاساسي و الطبيعي داخل منظومة الأسرة .
ب - هو الإختلاف و التباين في الأدوار الأسرية و الجهل بكيفية آدائها .
ج - هو ممارسة الإحكام و الضغط السلبي علي أفراد الأسرة , و عادة ترجع ممارسة الإحكام و الضغط السلبي الي الآباء و الأمهات نظرا لأدوارهم المحورية في المنظومة الأسرية .
د - هو تسلط أي فرد أو أكثر علي باقي أفراد الأسرة و القيام بالتحكم و إصدار القرارت في مواضيع و أمور مصيرية و قد تكون مستقبلية تخص الأفراد دون الرجوع اليهم .


كما ان هناك الكثير من التعريفات الاخري لمفهوم التخلف الاسري ....

2 - الاسباب :-

أ - عدم استقلالية كل فرد بدوره الوظيفي داخل المنظومة الاسرية
ب - عدم نشر ثقافة الاعتماد علي النفس و إعمال العقل .
ج- التمييز ضد المرأة .
د - التقليل من شأن الأفراد داخل الأسرة و خاصة الأفراد الشبابية و صغار السن .
ذ - استخدام الفزاعات الأسرية مثل ( العنوسة - الفشل المستقبلي - الخروج عن طاعة الآباء و الامهات - الحرمان من الميراث - نبذ الفرد و تحقيره - العقاب الجسدي )
ر - سلطوية الآباء و الأمهات بإعتبارهم الكيانات الرئيسية داخل النسق الأسري .

كما أن هناك الكثير من أسباب التخلف الأسري .....